Pici

Open Now

Now Closed

落雨天唔想買餸煮飯，打開袋鼠外賣見到有優惠，決定買外賣，方便又快捷。睇左一陣見到呢間既意粉好似唔錯，就買黎試試。今次買左兩個，分別係佢地既招牌千層麵同本月special 意大利香腸牛肝菌手工寬帶麵。叫得做招牌果然有返咁上下，千層麵既醬同肉比例好好，唔會食落去全部係醬或肉，同埋咬落口唔係一pat 野，食到冧身之餘重係一塊粉加肉醬。味道適中唔會太淡或咸，加埋芝士成個口感好好，份量亦足夠有小小飽肚感覺。另一個打開雖然份量比較小，但味道幾好，個手工麵彈牙，香腸同牛肝菌都好食但略嫌唔夠一體，好似三樣野夾埋落一個餐到，無乜昇華作用。如果一位男士食呢個粉都幾肯定唔夠飽。整體而言兩個意粉都係好食，不過份量就偏小，食量比較大既朋友可以多叫其他。