田浦食肉

Open Now

Now Closed

假期就係要同朋友見面，朋友住沙田果邊，佢帶我去韓國人主理既韓燒餐廳，話有驚喜比我。原來係石門呢間韓燒餐廳，係有oppa 親手幫你燒埋啲肉，唔駛自己出手又可以同朋友雞啄唔斷咁樣傾吓偈。今次點了生醃醬油蟹、烤豬肉套餐（五花肉+豬頸肉、大醬湯同埋韓式煎餅。💠生醃醬油蟹蟹肉鮮甜爽口又彈牙，配上帶甜既醬油一齊入口，口感一流。💠 烤豬肉套餐（五花肉+豬頸肉）大大份，啱晒我地3個女仔去食，有oppa專人幫手燒，我地完全交晒比佢處理😆，邊燒邊聞到陣陣油香，啖啖肉咁食真係好惹味。💠 大醬湯即是韓式味噌湯，配上韓國必備既辣粉，湯非常熱及濃郁且充滿鮮味。💠 韓式煎餅我本人大愛，韓式煎餅外皮金黃酥脆，內餡有蔥花和配料，淋上韓式醬汁，十分融合。係到用餐真係好似置身於首爾一樣，又有些打卡位，氣氛一流。