河內越式料理 (村南道)

Open Now

Now Closed

沙田罕有越南菜，好多時都會掛住佢，久唔久就會又想食越南野就一定意起佢。加上佢地點非常方便，就係大圍車站對面馬路，所以都係我經常會幫襯嘅一間餐廳。當然食物都一定有特色之餘，仲要好味先得，當然有時放工夜就會唔想煮飯，所以有時我都會買外賣返屋企，每次返到屋企都可以保持到仲有溫度嘅，真係好難得，証明係控制外賣菜時都有啲心機，唔會下下煮定晒啲野係到。所以真係值得一讚。佢嘅燒豬頸肉真係每次我都會必叫嘅，打開一定聞到佢個香味，食落仲要好滑好香好好味，配飯真係一流，而佢個豬扒同樣都係仲有溫度，外脆內軟，唔會乾真真咁，最最難得嘅係每次外賣佢嘅醬汁都好細心，一定唔會比漏，一個跟一個，明顯呢啲真係好用心做啲餐廳，所以點會唔成日幫襯。