M3 Italian (Closed)

沙田罕有抵食美味意菜 - M3 ItalianHappy Thursday梗係食好尐，到了這間在河畔的意菜M3 Italian。開業好似已三四個月，每晚經過均見有人等位，今日晚了點收工，難得有位即試試。第一次食滿懷希望，見到餐牌有這個星期一至四推出的二人餐，睇落份量真係抵食夾大件，$388兩位，便點來一試。前菜有好幾樣，凱撒沙律，足料，芝士是現刨的，講究。意式單骨雞翼，炸得香口亦入味。三文魚配蜜糖芥茉子汁，酸酸地很開胃。手造麵包，鬆軟有麵粉香，與陳醋很配合。再飲埋個足料南瓜餐湯，吃完前菜老實已半飽。主菜六選一，點了六成熟西冷牛扒，烤得恰到好處。牛扒雖不是什麼靚貨，但吃落也算合格，下次想試西班牙燒乳豬。兩個人分享完牛扒之後仲有一個大薄餅，又有五選一，我們點了牛肝菌Pizza﹐芝士濃厚菌味芳醇，批底香脆得不得了，即叫即焗熱辣辣極美味。最後仲有意粉五選一，要了卡邦尼，醬汁濃稠意粉煙韌，大滿足！真正挑戰二人大胃王，前菜、主菜、意粉仲有Pizza、樣樣都極美味，又平又抵食，我地兩個歐陸身型最後都即場清哂，但見不少情侶都打包就知份量十足，我覺得呢個餐可三至四人share再叫多一兩個海鮮都一樣夠食。