形 (大涌橋路)

Open Now

Now Closed

唔係同事🐮講開，唔知麗豪酒店入面有間酒吧有snooker玩，最緊要係可以通宵睇波，無人趕，個晚特登揸車同佢入去探個虛實出面望到間Bar都幾大，唔係油尖旺個啲污煙漳氣style🤫又有兩部wifi鏢機篤波定掟住鏢先等開波？無所謂啦😂不過今晚無波睇，打住兩局桌球先，跟手再叫左啲野食醫肚，原來酒吧都有好野食🍺串燒 / 豬大腸、司華力腸、墨魚丸串燒類基本有原味、小香辣、香辣、麻辣、特辣5種口味選擇。要左麻辣，但我食得辣覺得可以再勁啲😙司華力腸同墨魚丸食得出唔係平野，無油溢味或者成口粉；豬大腸燒到外皮焦且脆，裡面又嫩又肥美，全部岩晒送酒👍🏻🍺燒紐西蘭一級肉眼扒（七成熟）牛扒表面燒得帶褐色，切開溫度微暖，中心呈少許粉紅，火侯控制得幾好，入口無根嫩而多汁，叫原味係最合適👍🏻🍺蒲燒鰻魚玉子丼飯驚喜之作，好食過市面既居酒屋或者釜飯店。鰻魚表皮燒得焦香，而魚肉嫩滑，入口有油香豐郁。撒左飯素係飯度，更香口之餘，豐富咗口感。厚身玉子調味唔會過甜，暖暖又柔軟既口感，我獨食無剩😂🍺Cranberry Sangria 🍺Virgin Colada 一個要揸車，另一個話無人陪既情況底下，好唔爭氣叫晒Mocktail 😅