Video
Read full review
2010-12-14
697 views
今日同朋友們一行八人, 遊完昂平360後, 原本打算去大澳, 可惜走車, 要等成個鐘, 連call的士都話無車最後放棄返左落東涌食晚飯, 決定去同事April小姐介紹的東昇樓試一試, 看看是否真的如同事所說咁好.在東涌車站等搭東昇樓提供的免費專車, 等了十多分鐘才有車, 不過到逹東昇樓的車程卻只要五分鐘.落車後找到的東昇樓是在村屋之列, 門口像舊式茶樓的門面, 裡面的裝潢亦有幾分茶樓韻味. 服務員全女班, 大部份上了年紀的, 招乎服務不算周到, 食蝦沒有提供水洗手, 也罷. 老實講句, 我覺得他們應該是主打做茶市的, 而且還是自助式那種, 否則不可能服務態度如此被動.一行八人吃了的菜式如下, 包括有 : 1) 老火湯2) 白灼海蝦一斤3) 椒鹽瀨尿蝦三隻4) 糖醋魚柳 5) 蒜蓉西蘭花6) 芝麻冰梅骨7) 蒜蓉粉絲蒸扇貝8) 椒鹽鮮尤9) 椒鹽九肚魚10) 燒乳豬半隻11) 六個靚仔白飯12) 豆腐花1) 首先係個湯, 尚算不錯, 用小盅裝出來, 一人一盅, 好味 2) 白灼海生蝦一斤沒什麼特別, 連相也不想影, 揀蝦時都見到d蝦唔識郁, 不過食既時候又唔霉喎!!3) 由於有兩個人不
今日同朋友們一行八人, 遊完昂平360後, 原本打算去大澳, 可惜走車, 要等成個鐘, 連call的士都話無車
最後放棄返左落東涌食晚飯, 決定去同事April小姐介紹的東昇樓試一試, 看看是否真的如同事所說咁好.
在東涌車站等搭東昇樓提供的免費專車, 等了十多分鐘才有車, 不過到逹東昇樓的車程卻只要五分鐘.
落車後找到的東昇樓是在村屋之列, 門口像舊式茶樓的門面, 裡面的裝潢亦有幾分茶樓韻味.
服務員全女班, 大部份上了年紀的, 招乎服務不算周到, 食蝦沒有提供水洗手, 也罷.
老實講句, 我覺得他們應該是主打做茶市的, 而且還是自助式那種, 否則不可能服務態度如此被動.
一行八人吃了的菜式如下, 包括有 :
1) 老火湯
2) 白灼海蝦一斤
3) 椒鹽瀨尿蝦三隻
4) 糖醋魚柳
5) 蒜蓉西蘭花
6) 芝麻冰梅骨
7) 蒜蓉粉絲蒸扇貝
8) 椒鹽鮮尤
9) 椒鹽九肚魚
10) 燒乳豬半隻
11) 六個靚仔白飯
12) 豆腐花
1) 首先係個湯, 尚算不錯, 用小盅裝出來, 一人一盅, 好味
2) 白灼海生蝦一斤沒什麼特別, 連相也不想影, 揀蝦時都見到d蝦唔識郁, 不過食既時候又唔霉喎!!
3) 由於有兩個人不怎麼吃海鮮的關係,
椒鹽瀨尿蝦只係叫了三隻.
4) 糖醋魚柳 的味道一般, 不過魚柳吃不出鮮味, 調味料反而妹仔大過主人婆.
5) 蒜蓉西蘭花 , 份量太少, 真係少得可憐, 味道無乜好講, 都係一般.
6) 這個芝麻冰梅骨的肉質尚可, 唔會太難咬, 味道亦ok, 可惜少左d, 分唔到一人一條.
7+8) 蒜蓉粉絲蒸扇貝 + 椒鹽鮮尤 賣相一般,
蒜蓉粉絲蒸扇貝太咸, 連吃得味濃的我都覺得咸, 咸到夠食半碗白飯.
心諗唔知係咪個廚師尋日輸左馬, 煮野重手左!!
至於個 椒鹽鮮尤, 真係睇見都覺得硬, 食落自然係硬啦! 味道嘛...都係麻麻.
都唔知係咪炸粉落得唔夠, 還是d炸油用得太耐? 定係雙料齊晒!?
9) 我認為碟椒鹽九肚魚應該比較好食, 點解呢?
因為呢碟野我無食過, 唔係因為我唔想食, 而係當我食緊隻瀨尿蝦時, 碟野已經狂風掃落葉被清光了
但其他菜還有淨, 唔好食又點會咁搶手!? 咁仲唔係好食!? 可惜我食唔到......
10) 燒乳豬半隻, 呢半隻豬仔餐單係無既, 你要問才有, 250個大洋, 多幾個人食會化算一點.
呢半隻燒豬食到尾聲才出來, 等到秋水欲穿都算, 點知燒豬皮唔夠化口, 只能用脆來形容,
脆而不化, 好似食緊豬肉脆片咁, 實在係失望,
不過碟頭份量都算大, 最後係食唔晒要攞走d肉, 無錯! 係得返d肉, d皮幾乎食晒, 因為大家都鐘意食薯片...
11) 六個靚仔白飯, 飯質偏硬, 應該係泰國平價米, 唔多受水, 所以飯粒偏硬, 而且黏性差, 口感不足, 咬感就偏硬.
12) 個豆腐花真係ok, 好野真係唔會彈, 夠滑夠香.
埋單總數1100有找, 認真講句, 唔算好平, 適合人多去食比較化算, 還有喜歡味濃的人會適合去, 想吃清淡的話, 唔好意思, 無份.
會唔會再去呢? 要是沒有跟店鋪相熟的人帶我去, 我諗一次起兩次止就算了,
Post
