老友記廚房

Open Now

Now Closed

今日住油塘嘅朋友帶我哋去鯉魚門玩，玩完之後去佢屋企參觀，之後佢帶咗我落樓下食晚飯。這間茶餐廳環境都算幾乾淨同過晚。我哋點咗三個小菜一齊share食。沙薑雞半隻$128 隻雞熱辣辣，好多沙薑雞汁浸住，啲雞肉幾有雞味，肉質唔韌又唔太淋，沙薑雞汁幾咸香，佐飯一流。鳳梨生炒骨$98熱辣辣，生炒骨仲係外脆內軟，酸甜汁調校得剛剛好，加埋鮮甜菠蘿好醒胃，惹味。D排骨嘅肉都好多，唔會淨係得嚿骨，唔係太肥，肉質都算鬆化。菜心炒牛肉$88份量都幾大，好多牛肉，大大塊，炒得好有鑊氣，菜心都新鮮青綠。總括而言，，呢間食小菜都唔錯，仲有啲套餐好似都幾抵食，下次同朋友可以再試吓。