紅番茄餐廳 (Closed)

好耐冇試過去間咁差既食肆，忍唔住上嚟俾個劣評訂位篇早幾日經tablemap訂呢間食肆星期日午市，過程順利。當日準時到達，負責人冇問係咪訂位就俾我地入座。點餐後問負責人係咪會確認返我地有出席到，佢居然一臉茫然！講完一輪佢都唔知我地講緊乜，唯有開返tablemap俾佢睇我地個訂座紀錄。佢睇完之後都話「我地冇確認架」，即係點？喂大佬冇就唔好搞tablemap啦！食物篇一人一個午餐，跟杯野飲。叫咗個「鑊仔牛肉炒意粉」($46)，落單時已講明走洋蔥。一上菜，如圖所示，係完全冇走過洋蔥既，仲好多添。好彩洋蔥唔係碎上，一條條咁都算易夾。但碟意粉既質素相當差，鑊仔上但冇鑊氣不特止，仲極多油！睇相都見到令立立，食到底直情有幾匙羹油剩返！唔知而家油係咪好平呢？落咁多油炒既？！碟意粉雖然唔大碟，但最後我都食唔晒，實在太油膩啦！食唔落！環境篇我地隔離係張吉枱，一邊食，有個女侍應一邊係隔離枱執餐具，清脆既噹噹聲陪咗我地半餐飯，間食肆樓底唔高，可想而知耳朵有幾受罪。總結下次訂位或覓食前，真係要睇吓食評先決定 原來呢間食肆一個好評都冇…中伏算自己抵死。冇下次！