吃吧 (僑建大廈)

Open Now

Now Closed

呢間「CHIBA」係僑建大廈2樓2室，無論係旺角定油麻地地鐵站行過黎都係幾分鐘，好方便就腳。「水牛城雞翼」：雞翼新鮮即炸，唔太辣，食落好惹味「炸有皮薯條」：都係即炸，中規中矩，但份量都幾大。「西班牙火腿蜜瓜」：呢個最鐘意。西班牙火腿好高質，配上新鮮又超甜嘅哈密瓜，好味！今次因為兩個人都唔肚餓，只係叫左一份主食「伊比利亞煙燻豬架」：熱辣辣上枱，上面有新鮮芒果粒，下面係熱薯蓉，味道唔錯。餐廳仲有cocktail同好多款啤酒，不過今日我地唔想飲酒冇試到，聽聞餐廳指定日子有 live music，有興趣嘅可以問一問。cafe裝修得好別致，都算比較多位，同家人朋友聚會係唔錯嘅選擇。