Video
Read full review
2020-11-09
12 views
一坐低見到部Orion生啤機即刻嗌番杯啤酒嚟餸吓串燒先！日本有5大啤酒公司，分別係朝日、麒麟、Suntory、札幌，仲有就係Orion。Orion啤酒喺沖繩非常出名，有人稱之為「縣民啤酒」。其口感新鮮清爽，關鍵在於需要深深地品味，啤酒輕輕滑過喉嚨，爽口苦澀，突出酒花原來具有嘅清爽苦味。醇厚香濃，通過新嘅過濾工序減低咗麥汁嘅雜味成分，調節到最佳嘅發酵溫度，令香氣更加沁人心脾。持久嘅奶油般口感泡沫保留咗更多嚟自麥芽嘅蛋白質，令泡沫更加柔軟持久，為是夜串燒夜打開一個好好嘅序幕。椒鹽炸墨魚咀，最啱餸啤酒嘅炸墨魚咀率先送上，好耐無食過墨魚咀喇，估唔到呢度嘅墨魚咀令我喜出望外，椒鹽香口惹味不在話下，墨魚咀口感爽脆，又炸得夠脆身，我夠膽講好過唔少大排檔嘅出品。燒蒜蓉蟶子，蟶子足足有成尺長，我男人老狗都要分成三四啖先至食得哂，廚師將火侯掌握得啱啱好， 蟶子肉質 JUICY 口感彈牙，配合埋蟶子最好嘅朋友蒜蓉，有夠好食。鹽燒厚牛舌，牛舌塊塊厚切，充斥住牛舌嘅香酥味道，只係簡單用海鹽同埋黑椒調味，經已無敵。燒雞泡魚乾，雞泡魚乾充滿嚼勁，面頭被香甜嘅蜜糖重重包圍，點埋隨附嘅沙律醬又帶有酸甜嘅味道，非常開胃
一坐低見到部Orion生啤機即刻嗌番杯啤酒嚟餸吓串燒先！日本有5大啤酒公司，分別係朝日、麒麟、Suntory、札幌，仲有就係Orion。Orion啤酒喺沖繩非常出名，有人稱之為「縣民啤酒」。其口感新鮮清爽，關鍵在於需要深深地品味，啤酒輕輕滑過喉嚨，爽口苦澀，突出酒花原來具有嘅清爽苦味。醇厚香濃，通過新嘅過濾工序減低咗麥汁嘅雜味成分，調節到最佳嘅發酵溫度，令香氣更加沁人心脾。持久嘅奶油般口感泡沫保留咗更多嚟自麥芽嘅蛋白質，令泡沫更加柔軟持久，為是夜串燒夜打開一個好好嘅序幕。
椒鹽炸墨魚咀，最啱餸啤酒嘅炸墨魚咀率先送上，好耐無食過墨魚咀喇，估唔到呢度嘅墨魚咀令我喜出望外，椒鹽香口惹味不在話下，墨魚咀口感爽脆，又炸得夠脆身，我夠膽講好過唔少大排檔嘅出品。
燒蒜蓉蟶子，蟶子足足有成尺長，我男人老狗都要分成三四啖先至食得哂，廚師將火侯掌握得啱啱好， 蟶子肉質 JUICY 口感彈牙，配合埋蟶子最好嘅朋友蒜蓉，有夠好食。
鹽燒厚牛舌，牛舌塊塊厚切，充斥住牛舌嘅香酥味道，只係簡單用海鹽同埋黑椒調味，經已無敵。
燒雞泡魚乾，雞泡魚乾充滿嚼勁，面頭被香甜嘅蜜糖重重包圍，點埋隨附嘅沙律醬又帶有酸甜嘅味道，非常開胃。
汁燒牛仔骨，牛仔骨流露住令人食指大動嘅肉汁，燒汁味道香甜，骨肉均稱，配合住肥美嘅油脂，令人欲罷不能。
脆炸腐皮，腐皮唔係間間串燒店有得食，喺餐牌見到即刻嗌番串嚟試下，腐皮炸得香脆之餘又唔多油， 仲有個泰式醬汁點下，同個腐皮相當配襯。
韮菜，韮菜一串有成十條八條，仲要條條都嫩滑無渣，選料上乘配以香辣粉輕輕調味，非常高質。
免治雞肉條，雞肉條口感爽脆，裏面混入咗令口感提升嘅雞軟骨，加上日式燒汁嘅加持，美妙。
原條蒜蓉燒茄子，茄子面頭鋪滿海量嘅蒜蓉，非常惹味，原條茄子令人飽足，完美作結。
Post
