元祖沾麵專門店

Open Now

Now Closed

沾麵我從末嘗過因凍麵感覺怪怪地，明明粉麵飯乜唔係要襯熱食㗎咩？🤔遍遍要把出左水D麵又要放在冰水裹過「冷河」？原來此動作會令麵質更爽滑更有口感，食時增加彈牙感。今晚揾食行到厚福街，見到平時有很多年青人幫襯的沾麵館居然有位；阿仔話要食，便跟隨仔女發辦。他們幫我order左個豚肉魚介沾麵。服務員揣出來時個湯係用石頭鍋盛載，依然滚著，香噴噴嗅到令食慾大增。魚介湯底濃郁，容易掛湯。拉麵條條分開不會黏在一起，煙煙勒勒極有口感。當凍拉麵沾上熱騰騰的濃湯有如冰火交融感覺；味道適中不咸，食落鮮甜。豚肉肥瘦適中，肉質嫩滑還有四大塊添。亦有流心蛋半只，具流心效果和蛋味香濃。還有很脆的紫菜和竹筍做配菜，頗為豐富。