Video
Read full review
2019-05-18
42 views
呢間法國菜以夢為主題，走法日fusion風，當中最有特式係佢地每個set都有幾道類似omakase嘅surprise dish，既驚喜又帶玩味，而今次食嘅套餐係餐廳專為法國五月節而設的✨首先開胃小食係個帶有日式色彩嘅鮑魚汁煮茄子同餐前麵包，除咗牛角包之外另一款麵包釀咗啲疑似橄欖定蜜棗之類嘅乾果入去，唔洗點牛油本身已經好香。然後就嚟第一道菜Sweetbread，其實佢唔係真係甜麵包，而係一種好矜貴嘅叫小牛胸腺嘅內臟，其矜貴之處係呢個部位只係得出世幾個月大嘅牛BB先有，長大後就會萎縮，味道亦因嬰兒狀態而純淨冇腥味亦帶特殊嘅彈牙感另外再配牛仔腸同蘑菇，再加入日本風嘅海螺，食果陣除咗原味之外仲可以配搭食用竹炭或者紫菜，個人比較喜歡竹炭味道帶甜配上Sweetbread效果幾好。接着第二道菜係香煎鵝肝，鵝肝質素夠高，輕煎下惹味得嚟又唔會過火，而且其飽滿嘅彈牙感亦非常吸引，除咗鵝肝本身之外，另外仲有好幾種唔同嘅配料襯嚟食，有菠蘿/布冧/莓醬，相比起呢幾種偏酸甜帶果種嘅配料，帶酒香兼適合配紅肉嘅port wine sauce就同個煎鵝肝最夾，令其香氣倍增，非常出色。之後就到變奏版嘅法國洋蔥湯，所謂嘅變
首先開胃小食係個帶有日式色彩嘅鮑魚汁煮茄子同餐前麵包，除咗牛角包之外另一款麵包釀咗啲疑似橄欖定蜜棗之類嘅乾果入去，唔洗點牛油本身已經好香。
然後就嚟第一道菜Sweetbread，其實佢唔係真係甜麵包，而係一種好矜貴嘅叫小牛胸腺嘅內臟，其矜貴之處係呢個部位只係得出世幾個月大嘅牛BB先有，長大後就會萎縮，味道亦因嬰兒狀態而純淨冇腥味亦帶特殊嘅彈牙感
另外再配牛仔腸同蘑菇，再加入日本風嘅海螺，食果陣除咗原味之外仲可以配搭食用竹炭或者紫菜，個人比較喜歡竹炭味道帶甜配上Sweetbread效果幾好。
接着第二道菜係香煎鵝肝，鵝肝質素夠高，輕煎下惹味得嚟又唔會過火，而且其飽滿嘅彈牙感亦非常吸引，除咗鵝肝本身之外，另外仲有好幾種唔同嘅配料襯嚟食，有菠蘿/布冧/莓醬，相比起呢幾種偏酸甜帶果種嘅配料，帶酒香兼適合配紅肉嘅port wine sauce就同個煎鵝肝最夾，令其香氣倍增，非常出色。
之後就到變奏版嘅法國洋蔥湯，所謂嘅變奏版係廚師將幾款原料洋蔥湯/雞肉/芝士拆開上，先將各原料試過後先再夾埋一齊食，同場朋友就覺得個湯太過濃烈，但我就幾鐘意佢果種炒洋蔥遺留下來嘅焦香。
經過幾款循序漸進愈趨濃烈嘅洗禮過後，響上主菜之前先上一道鮮果雪葩清清味蕾，當晚嘅口味係蘋果加火龍果，中和性強，口腔感覺當堂fresh咗。
終於嚟到主菜，法式油封鴨髀。以新派方式融合舊式經典煮法，用鴨油慢煮十二個鐘，然後再用射燈將外皮照至脆身，同直接煎唔同，用高熱燈照射下外皮脆得嚟會帶點鬆化嘅關係，唔係硬棚棚咁，而內裏嘅肉質經慢煮後都非常嫩滑軟身，其鹹香有啲似中式臘味，當然其鹹香細膩得多啦，再配以牛肚菌汁加紫椰菜，中和返鵝髀嘅膩度。
食完主菜到甜品法式泡芙，兩款泡芙有朱古力雪糕同榛子忌廉醬，講特別講鐘意都係偏向後者，其榛子cream香滑自然唔人工，另外仲有啲布冧光乾，蛋白餅同埋士多啤梨朱古力，個士多啤梨朱古力係以巢狀形式，入面有無數窿位，食落會有種入口即溶嘅感覺。
最後連餐茶都有心思位，雖然係普通咖啡檸茶選擇，但會送兩款一口蛋糕banana cake同brownie，兩隻都好好食，啱晒食完甜品都仲覺得意猶未盡嘅甜魔。除咗餐茶之外，其實套餐仲包左兩杯餐酒嚟配襯其中兩道菜，配Sweetbread有隻酸味強烈嘅白酒以助開胃，配鴨髀就有隻果味香濃嘅紅酒嚟輔佐其鹹香，加上每道菜都有侍者詳細講解其製作同出處，所有細節位都做到一絲不苟，實在值得讚賞。
Post
