Nissa la Bella (差館上街)

Open Now

Now Closed

同上環返工朋友飯聚，佢帶左我黎呢個上環嘅地鋪「NISSA LA BELLA」。為求方便我地叫左個二人餐，包甜品但就冇包野飲。前菜試左「菊苣沙律」，傳統的羅馬菊苣沙律菜，脆脆的很清爽，配上核桃，藍芝士，再伴上切片梨片，口感豐富，第一次食呢只沙律，好鐘意！另一款「自家製法式肉醬」，有啲似鵝肝醬，好特別，查落脆脆既面包，好似食緊鵝肝多士。主菜試左「烤大西洋鱸魚」，大大份鱸魚配忌廉菠菜，味道中上，調味岩岩好，唔會太淡，呢款魚有時啲廚師會煮到好淡冇乜啫。另外原本想試「龍蝦扁意大利麵」，但龍蝦已經賣晒，改左大虎蝦。雖然感覺有少少downgrade 左，但個意大利粉整得好唔錯，蝦都好新鮮，冇失望到。最鐘意係兩個甜品，話說我地試完主菜好耐掛住傾計冇催佢上甜品，Waiter 主動過黎話甜品仲整緊，可見佢係即整即上，好少見。個熱辣辣嘅「lemon tart」真係新鮮出爐！個「巴夫洛瓦蛋白霜」都睇得出好俾心機整出黎，兩款都好好味，值得再試！我地坐左幾個鐘，發現多數都係外國人幫襯，而且多數係預約左，睇黎佢係外國人入面應該都幾受歡迎。