Video
Read full review
2023-01-02
244 views
入到餐廳已經覺得成個環境好靚，個場超級多花花草草，啱晒一啲鍾意小清新風格嘅人去打卡。今次我同朋友兩個人就揀咗一個二人set, 當中包括兩個前菜，兩個小食同兩個主菜。前菜方面我哋就揀咗Toast 同埋Pani Puri，Toast 係一埋多士上面有啲羊奶芝士同埋烤提子。雖然份量只有一啖，但係味道嘅層次都好豐富，先入口有提子嘅酸甜，然後就有濃郁嘅羊奶香，再加埋脆身嘅多士底，食落十分開胃。之後Pani Puri本身係印度常見的一種街頭小吃，但係今次入邊就唔係放薯仔泥，而係放咗一啲忌廉蟹肉，話就話忌廉蟹肉其實只係沙律醬撈蟹肉多啲，面頭啲青瓜絲都好清爽，成個配搭都好特別。至於小食方面我哋就叫咗蛋餅同埋一個老乾媽牛肉撻，蛋餅好明顯見到入邊有啲菠菜，蛋餅煎得好焦香，同埋佢口感唔係一啲實心嘅口感，而係好輕盈嘅感覺，加埋啲沙律菜，一啖接一啖就好快食完。另一個就係老乾媽牛肉撻，撻底係普通蛋撻嘅牛油撻底，上面係一啲吵得好香嘅牛肉加埋一啲酸酸地嘅洋蔥，成個配搭都好神奇，酸酸地辣辣地食落都好惹味。相較之下主菜就顯得遜色好多，首先個牛扒係三成熟嘅西冷，冇乜特別嘅記憶點，純粹就係覺得隔離嘅炸薯條好好食。之後個蘑菇汁
入到餐廳已經覺得成個環境好靚，個場超級多花花草草，啱晒一啲鍾意小清新風格嘅人去打卡。
今次我同朋友兩個人就揀咗一個二人set, 當中包括兩個前菜，兩個小食同兩個主菜。前菜方面我哋就揀咗Toast 同埋Pani Puri，Toast 係一埋多士上面有啲羊奶芝士同埋烤提子。雖然份量只有一啖，但係味道嘅層次都好豐富，先入口有提子嘅酸甜，然後就有濃郁嘅羊奶香，再加埋脆身嘅多士底，食落十分開胃。之後Pani Puri本身係印度常見的一種街頭小吃，但係今次入邊就唔係放薯仔泥，而係放咗一啲忌廉蟹肉，話就話忌廉蟹肉其實只係沙律醬撈蟹肉多啲，面頭啲青瓜絲都好清爽，成個配搭都好特別。
至於小食方面我哋就叫咗蛋餅同埋一個老乾媽牛肉撻，蛋餅好明顯見到入邊有啲菠菜，蛋餅煎得好焦香，同埋佢口感唔係一啲實心嘅口感，而係好輕盈嘅感覺，加埋啲沙律菜，一啖接一啖就好快食完。另一個就係老乾媽牛肉撻，撻底係普通蛋撻嘅牛油撻底，上面係一啲吵得好香嘅牛肉加埋一啲酸酸地嘅洋蔥，成個配搭都好神奇，酸酸地辣辣地食落都好惹味。
相較之下主菜就顯得遜色好多，首先個牛扒係三成熟嘅西冷，冇乜特別嘅記憶點，純粹就係覺得隔離嘅炸薯條好好食。之後個蘑菇汁意式雲吞真係有啲普通，係雲吞入邊包住啲冇乜味嘅芝士然後出邊就有蘑菇汁，普通到我應該唔會再嗌。整體嚟講服務態度都非常之好，前菜同小菜都好好食，唯獨是主菜可以再加強吓，哈哈！
Post
