Video
Read full review
2024-10-04
1665 views
比較少食法國菜，友人帶我去呢間法式小館，可以食到法式菜式之餘但氣氛又唔會咁拘緊。餐枱數目唔係好多，最好預先訂位。昏暗登光，配上Bossa Nova 歌曲，令人仿似走進第二個國家咁。侍應送上Set Dinner Menu，每位$378唔係幾”好”鴨胸，另加$38要烤本灣八爪魚沙律侍應溫提可以用菜包住八爪魚一齊食會好味D。單食一舊，腍中又帶點兒嚼口，個沙律汁酸度適中幾開胃。食完沙律就到餐湯，有呢客粟米忌廉大蝦湯。入口香滑，粟米味係食到，再加埋大蝦豐富咗成個湯嘅口感。若然有埋餐包配食就”Perfect 池”。五款主菜任選一，有豬/鷄/素/牛/海鮮選擇Sapporo啤酒三黃鷄，半隻份量，未食已聞到香味，以炒香薯仔粒及甘荀粒作配菜。鷄皮帶點焦香，皮下無多餘脂肪，淋上秘製醬汁，個人覺得有點咸。鷄肉仍然嫩滑，每一啖都熱度十足，唔錯。是日甜品係芝士蛋糕，主體係芝士蛋糕，再係上面加上菠蘿乾(?)，最特別係側邊有D煙肉碎，食起黎甜中帶少少咸，幾有趣。包埋咖啡或茶，茶唔係普通紅茶，可選擇伯爵茶/朱古力紅茶。我就當然黎杯”餐後啡”，配埋件芝士蛋糕，寫上一個完美句號。呢度無用餐時間限製，配合法國菜用餐時間，美食
餐枱數目唔係好多，最好預先訂位。昏暗登光，配上Bossa Nova 歌曲，令人仿似走進第二個國家咁。
侍應送上Set Dinner Menu，每位$378
唔係幾”好”鴨胸，另加$38要烤本灣八爪魚沙律
侍應溫提可以用菜包住八爪魚一齊食會好味D。單食一舊，腍中又帶點兒嚼口，個沙律汁酸度適中幾開胃。
食完沙律就到餐湯，有呢客粟米忌廉大蝦湯。入口香滑，粟米味係食到，再加埋大蝦豐富咗成個湯嘅口感。若然有埋餐包配食就”Perfect 池”。
五款主菜任選一，有豬/鷄/素/牛/海鮮
選擇Sapporo啤酒三黃鷄，半隻份量，未食已聞到香味，以炒香薯仔粒及甘荀粒作配菜。
鷄皮帶點焦香，皮下無多餘脂肪，淋上秘製醬汁，個人覺得有點咸。鷄肉仍然嫩滑，每一啖都熱度十足，唔錯。
是日甜品係芝士蛋糕，主體係芝士蛋糕，再係上面加上菠蘿乾(?)，最特別係側邊有D煙肉碎，食起黎甜中帶少少咸，幾有趣。
包埋咖啡或茶，茶唔係普通紅茶，可選擇伯爵茶/朱古力紅茶。我就當然黎杯”餐後啡”，配埋件芝士蛋糕，寫上一個完美句號。
呢度無用餐時間限製，配合法國菜用餐時間，美食係要等嘅，中間可以同朋友吹下水等食，慢慢享受呢一餐。
Post
