Crêpe Delicious (MOKO新世紀廣場) (Moved) New Location

閒日放假行街街，真係好舒服乜都唔使同人迫，餐廳又唔使等位去High tea又有選擇，終於有種享受慢活嘅感覺行到攰，揀咗呢間主打食法式可麗餅Crepe嘅Cafe坐吓，雖然地方唔算好大，但係坐得都好舒服同埋好乾淨見到Menu，可麗餅既選擇花多眼亂，有咸又有甜，仲有好多好多主食同甜品又好吸引，好想叫晒佢，可惜眼闊肚窄。朱古力榛子，榛子味非常之濃郁，適合我哋呢啲喜歡榛子既榛子控，而且上面都有少少果仁，令口感加分。另外賣相美觀，杯口有榛子粒粒去裝飾，適合姊妹們打卡。芝味三文魚crepe，原來係即叫即整，一嚟到已經俾上面既三文魚花吸引住，雖然外表簡潔，但係內涵豐富，有牛油果、煙三文魚、香草、洋蔥、芝士喺入邊，口感層次豐富，主打可麗餅嘅Cafe點都要揀翻件可麗餅黎試吓啦。美式手撕豬肉puff pizza，係酥皮底，感覺有少少似牛角包，食落去多左一份既香脆酥軟，而且手撕豬肉都好野味，帶出成個pizza既精髓。依個份量我鍾意，一碟四件同人開心share，一人兩件又唔太多又岩岩好。香蕉船壓軸出場，估唔到比想像中出色喎。內層有三種口味嘅雪糕，分別係朱古力、士多啤梨、雲呢拿， 雪糕口感有少少似雪芭，係好食既。