Marble (Closed)

環境5分：高級酒店餐廳樓面高，好有貴氣，Ｄ燈光好romantic，吧位格局非常開揚同闊落，睇住每個廚師分工合作，非常悅目，滿分。衛生5分：酒店四周圍都有搓手液，開放廚房一目了然，好乾淨企理，啲水全部係樽裝新開，衛生一樣畀滿分。服務5分： 服務員同師傅都好friendly，廚師非常整潔同有條理，服務員加水加酒都冇停手，中途都問咗幾次對食物滿唔意同夠唔夠飽，都係滿分。味道5分：1)      頭盤係松葉蟹肉，海膽，魚子醬同一塊炸過嘅紫蘇葉，三樣貴價食材同一時間放入口中，真係無比鮮甜同新鮮，呢類頭盤真係食多多都唔夠。2)      刺身有兩款，甘目鯛好軟身，象拔蚌非常爽甜。3)      日本墨魚切到非常細一片片，當然非常多片，然後撈埋個醬汁，第一次咁樣食，非常驚喜同好食。4)      燒鰻魚非常嫩滑，沒有骨，加埋個鰻魚汁，聞落去非常香。5)      宮崎牛三文治兩片烘到非常香口嘅麵包，中間夾住非常厚身嘅和牛，和牛煮到啱啱好，用手食，大啖大啖咬落去，肉汁非常juicy，真係一分錢一分貨。6)      兩片薄燒嘅尾崎和牛煮到啱啱好，幾秒時間就足夠，加埋隻日本溫泉蛋配埋碗白飯仔，非常別緻同