Video
Read full review
2020-04-29
2412 views
之前聽朋友講，話九龍塘有間叫「原藝 Original Art」的法國餐廳，據說店舖是由法國藍帶深造的 90 後老闆開設，相信食物水準有一定保證，反正今晚約左老公行街兼食飯，就一於嚟呢度試下。 餐廳座落於海棠路女青雅舍地下，原來位置都幾隱蔽下，不過店舖的環境好舒服，分室外和室內兩區，室內以木系色調為主，牆身上鑲咗多幅掛畫，裝潢極富藝術感，置身其中，趣味盎然。我哋揀咗兩客餐湯、頭盤、意大利飯同一個主菜。先來的黑松露蘑菇忌廉湯 ($68@) 用料十足，一端上來就已經聞到陣陣香濃的菇菌味，而且上檯時還熱辣辣，挺吸引。舀起一看，湯身質感濃稠，入口啖啖都係香郁的蘑菇碎粒，拌勻後更散發著松露的幽香，口感極之豐富。白酒煮青口 ($98)：青口即叫即煮，隻隻外形都十分飽滿，新鮮「開口」，橙黃色的肉夠曬鮮甜肥美，質地嫩滑有彈性，食落無渣兼Juicy，跟白酒絕對是美妙的配搭。三文魚南瓜汁意大利飯 ($148)：意大利飯煮得很不錯，外層微軟，裡面仍保持點硬身，吃起來富有嚼勁，南瓜汁十分鮮甜。頂頭的三文魚亦很煞食，魚皮煎至色澤金黃，食落甘香脆口，魚肉呈鮮橙色， 油潤亮麗，肉質結實，而且鮮味十足，入口充滿魚脂香
之前聽朋友講，話九龍塘有間叫「原藝 Original Art」的法國餐廳，據說店舖是由法國藍帶深造的 90 後老闆開設，相信食物水準有一定保證，反正今晚約左老公行街兼食飯，就一於嚟呢度試下。 
餐廳座落於海棠路女青雅舍地下，原來位置都幾隱蔽下，不過店舖的環境好舒服，分室外和室內兩區，室內以木系色調為主，牆身上鑲咗多幅掛畫，裝潢極富藝術感，置身其中，趣味盎然。
我哋揀咗兩客餐湯、頭盤、意大利飯同一個主菜。
先來的黑松露蘑菇忌廉湯 ($68@) 用料十足，一端上來就已經聞到陣陣香濃的菇菌味，而且上檯時還熱辣辣，挺吸引。舀起一看，湯身質感濃稠，入口啖啖都係香郁的蘑菇碎粒，拌勻後更散發著松露的幽香，口感極之豐富。
白酒煮青口 ($98)：青口即叫即煮，隻隻外形都十分飽滿，新鮮「開口」，橙黃色的肉夠曬鮮甜肥美，質地嫩滑有彈性，食落無渣兼Juicy，跟白酒絕對是美妙的配搭。
三文魚南瓜汁意大利飯 ($148)：意大利飯煮得很不錯，外層微軟，裡面仍保持點硬身，吃起來富有嚼勁，南瓜汁十分鮮甜。頂頭的三文魚亦很煞食，魚皮煎至色澤金黃，食落甘香脆口，魚肉呈鮮橙色， 油潤亮麗，肉質結實，而且鮮味十足，入口充滿魚脂香，令人回味。
主菜揀咗法式香草燒雞 ($158)：燒雞以雜香草醃過，入味非常，雞皮既薄且脆，沒有多餘油份，肉質嫩滑又唔會過鞋，有肉汁。配菜用料非常豐富，有艷麗的紫薯蓉、蘆筍、玉米筍、甘筍和車厘茄等。伴吃的紫薯蓉味道不俗，口感軟腍不黏牙，甜甜的、頗滑溜，薯味香濃。
總括嚟講，以這頓飯的價錢食到呢個水準，真係唔錯！好期待下次再嚟品嚐其他菜式。
Post
