Passion (Closed)

之前喺囍帖街試過呢間餐廳，覺得幾好食，依家葵芳都開咗，所以就試一試。最鍾意食佢嘅沙律，細size可以選擇三款,而大size可以選擇四款。如果一個女仔嚟食，就已經好夠飽。沙律除咗款式好多之外，全部都好新鮮所以點解我次次都去食。今次仲食咗個法式薄餅？奄列？佢同一般薄餅唔同，餅底好脆，餡唔算多，唔會好滯。因為同成日食既pizza唔同，所以覺得有新鮮感。另外食咗一個意粉，基本上食物全部都係即叫即整，所以我覺得呢間餐廳質量質素真係幾好。最後食咗三件甜品，有栗子撻、開心果蛋糕同埋朱古力蛋糕。我最鍾意食開心果蛋糕，開心果味都濃，但係又唔會好似栗子咁膩。不過要注意呢間餐廳位唔多，所以唔係成日有位。另外，基本上全部都係自助，無咩服務。不過對我黎講食物質素先係最重要。