Video
Read full review
2023-01-17
84 views
今次去左主打法式fine dining嘅餐廳！昏暗燈光加高樓層，情調十足，適合同你嘅伴侶一齊去🎊✅九道菜 $1680/person♦️前菜🥖芝士薄脆、法包同蕃茄香草包配自家製特式牛油鍾意食麵包嘅人一定會食晒去！每款包都好有得色，配埋自家製牛油🧈有更豐富嘅口感。♦️4款餐前小食1️⃣波爾多牛肉他他配法式鵪鶉蛋及鱘魚子醬用左五款唔同既香料加落同牛肉一齊手打切碎再撈勻而成，上層用鱘魚子醬鋪上，最後加上法式鵪鶉蛋🥚同金箔做點綴💡 再點上旁邊嘅芥末醬，除左係味道上，連觀感上都多左層次！2️⃣鵝肝凍和麝香啫喱和竹炭脆片及田園沙律🥗將幾款唔同嘅小食放埋一齊，但估唔到非常match!! 清香嘅啫喱中和左濃味嘅鵝肝，配合脆片和沙律，新意十足！上碟時會有煙霧出現，可以準備打卡！📸3️⃣蕃茄清湯配濃蕃茄燉蛋廚師用左來自西班牙青蕃茄慢煮六小時去熬製，非常清甜🍅 配搭濃蕃茄燉蛋，用上兩種煮法，形成嘅強烈對比同口感！4️⃣龍蝦燒賣配金箔鱘魚子醬及龍蝦龍蒿泡沫及墨魚汁又係一款充滿特色既fusion菜，為求新鮮，廚師每次都係即叫即製，以燒賣皮包住龍蝦肉🦞 再配合濃縮龍蝦汁泡沫同金箔鱘魚子醬，每一啖都感受正龍蝦嘅鮮味，賣相都非常吸引！5️⃣香
✅九道菜 $1680/person
♦️前菜
🥖芝士薄脆、法包同蕃茄香草包配自家製特式牛油
鍾意食麵包嘅人一定會食晒去！每款包都好有得色，配埋自家製牛油🧈有更豐富嘅口感。
♦️4款餐前小食
1️⃣波爾多牛肉他他配法式鵪鶉蛋及鱘魚子醬
用左五款唔同既香料加落同牛肉一齊手打切碎再撈勻而成，上層用鱘魚子醬鋪上，最後加上法式鵪鶉蛋🥚同金箔做點綴💡 再點上旁邊嘅芥末醬，除左係味道上，連觀感上都多左層次！
2️⃣鵝肝凍和麝香啫喱和竹炭脆片及田園沙律🥗
將幾款唔同嘅小食放埋一齊，但估唔到非常match!! 清香嘅啫喱中和左濃味嘅鵝肝，配合脆片和沙律，新意十足！上碟時會有煙霧出現，可以準備打卡！📸
3️⃣蕃茄清湯配濃蕃茄燉蛋
廚師用左來自西班牙青蕃茄慢煮六小時去熬製，非常清甜🍅 配搭濃蕃茄燉蛋，用上兩種煮法，形成嘅強烈對比同口感！
4️⃣龍蝦燒賣配金箔鱘魚子醬及龍蝦龍蒿泡沫及墨魚汁
又係一款充滿特色既fusion菜，為求新鮮，廚師每次都係即叫即製，以燒賣皮包住龍蝦肉🦞 再配合濃縮龍蝦汁泡沫同金箔鱘魚子醬，每一啖都感受正龍蝦嘅鮮味，賣相都非常吸引！
5️⃣香煎珍寶帶子配白兔糖紙及白蕃茄慕絲配黑魚子
同上一款一樣，都係充滿特色既菜式，表面香脆內裏彈牙，再配上蕃茄慕絲嘅微酸，又香口又清新！🤩
♦️主菜前甜品
雪葩配鮮紅石榴及泡沫🍸
係上主菜之前呢個雪葩可以幫我地清清味蕾，加上酸酸甜甜帶熱情果香，又消膩又清新😇
♦️主菜
1️⃣慢煮BBQ豬柳配烤紅甜椒醬配茴香苗及牛油蠶豆配陳年黑醋
終於黎到主菜啦！慢煮嘅豬柳非常鮮嫩☺️ 而且有BBQ獨特嘅風味，配上甜椒醬及陳醋後，可以品嚐晒三種唔同嘅肉香！
2️⃣慢煮龍蝦扇貝卷配上黑魚子及鮮嫩蔬菜及西洋菜忌廉清湯🥣
將龍蝦肉同扇貝卷上，兩款海鮮嘅肉質相當彈牙細膩，配上黑魚子及新鮮蔬菜，淋上西洋菜忌廉清湯，更加襯托出海鮮原有嘅鮮味！😳
♦️餐後甜品
1️⃣法或豆腐焦糖燉蛋🍮
大大嘅楓葉脆片🍁，加上蛋味嫩滑香濃，薑汁味唔太重，豆腐味岩岩好，雙重味覺嘅享受！P.S 碗下嘅唔係石頭朱古力😂
2️⃣最後一道甜品係法式朱古力🍫配廚師特製菠蘿汁加檸檬草棉花糖
今晚第二道店員送上時煙霧彌漫嘅甜品，又可以打卡！棉花糖充滿菠蘿清香及檸檬草既香味，食落唔會好甜令人卻步，口感軟彈。旁邊有幾款唔同嘅法式朱古力，為最後畫上完美嘅句號！🥰
📍Amina Modern European
🔍尖沙咀廣東道82-84號流尚坊8樓
Post
