波士冰室 (Closed)

係荃灣相隔兩條街，大約5分鐘路程已經有兩間波士冰室，每次中午時分經過都超多人無機會食，今日終於有機會試到佢地嘅早餐。店外大電視已顯示早餐內容，十分細心體貼店內環境以懷舊為主比我發現到佢哋係用方糖，已好少地方有，十分配合室內懷舊環境。早餐D:蕃茄薯仔排骨螺絲粉，北海道牛乳炒滑蛋，牛油多士($38) 包熱飲。螺絲粉湯底足料，仲有紅蘿蔔，食落去好有住家湯嘅感覺，排骨亦煮得好淋，美味炒滑蛋夠滑，食到有牛乳味，牛油多士略嫌牛油唔夠多，如果可以落多D，會令到更加香口。