德島

Open Now

Now Closed

一直都知道依間餐廳，奶茶係招牌，係拿過獎既。今日專登黎試下佢既奶茶，睇下咩料先。茶香而滑，奶係用黑白淡奶，撞埋一齊好正！怪唔得係拿獎！但我最主要想講既係佢既常餐-滑蛋雞扒出前一丁麵配波蘿油！首先一定要講既係佢既雞扒煎得好出色！表皮係非常香脆既，而雞肉肉質都仲係好嫩滑，有水準！滑蛋正常唔係好驚豔。丁麵煮到剛剛好，仲有少少硬既，岩岩好！另外佢仲有比埋包麻油你，加埋落去食真係正！佢既波蘿油都值得一提，個包係即叫即焗，個包係熱既，而兩塊牛油係厚切，非常邪惡！吃落口波蘿香脆而牛油冰冷，冷熱既香味係口中不停爆炸，絕對值得一試！