德島

Open Now

Now Closed

奶茶總得分：2.14🐑🐑叫得做冠軍奶茶王，一定要嚴格啲品評佢。今日杯熱奶茶，係喺唔係茶走，同埋冇落糖嘅狀態下試味：1）奶茶熱度夠-9分2）杯茶冇茶香。應該咁講，成間舖頭都好有茶香，但杯奶茶嚟到枱面，擺到埋鼻聞，都唔係好聞到茶香-1分3）茶香缺乏，茶味當然亦貧乏-1分4）茶身好薄好薄，個情況就係，如果冇加黑白淡奶淨飲茶的話，就根本同飲水分別不大，一樣咁薄身-1分5）茶色較偏向奶色，一杯茶色靚、濃度足嘅奶茶，應該係偏向琥珀色先係上品，呢度嘅茶葉調配，明顯係幼茶份量不多-1分6）茶、奶比例，當然亦會影響茶色，呢度奶嘅份量偏多，保守估計佔咗成杯奶茶嘅4成-1分7）奶茶回甘完全欠奉，粗茶調配明顯不足-1分🐑鮮油厚多士有水準-8分

坐嘅位置喺茶餐廳嚟講都不算迫，而且仲有戶外位置，天氣涼涼地坐出面很舒服。聽聞奶茶同鴛鴦都好出色，所以特登嚟試吓，奶茶同鴛鴦都好滑，感覺奶茶係好多奶，茶味反而相對冇咁出，但係都好好飲！平時就比較少飲鴛鴦，所以呢杯鴛鴦對我嚟講真係好出色，佢係咖啡同奶茶仲有奶嘅份量超級balance，好好飲！好推薦！另外嗌咗個沙嗲牛肉米，沙嗲味比較少，但牛肉是好食的，成碗嘢比較清冇咩味，所以不是好吃的沙嗲牛肉。還有雞扒印尼撈，味道正正常常。不過佢炒蛋幾好食好滑，多士都有烘底好脆。整體嚟講我覺得淨係嚟飲奶茶同埋鴛鴦就好了，因為真係好出色，但嘢食方面真係麻麻地。

專登嚟到試佢嘅奶茶，冇失望。茶色靚，茶味香濃，茶奶比例適中。但本身唔鍾意食三文治和沙嗲牛肉，所以就冇試啦。叫咗普通火腿通粉，有好多粟米同兩條生菜，個人唔prefer 有其他蔬菜類沾污普通簡單嘅火腿通。 通粉還算軟硬適中，湯頭偏淡。好一般般。 亦都冇雪菜肉絲米粉嗰啲嘢。 所以整體嚟講，我覺得佢開個頭飲杯奶茶OK，其他就唔需要特別過去試。 （講開又講，citysuper 而家有carry 幾個牌子嘅本地樽裝港式奶茶，我覺得一樣咁好，而且隨時都可以喺屋企飲到）。

一直都知道依間餐廳，奶茶係招牌，係拿過獎既。今日專登黎試下佢既奶茶，睇下咩料先。茶香而滑，奶係用黑白淡奶，撞埋一齊好正！怪唔得係拿獎！但我最主要想講既係佢既常餐-滑蛋雞扒出前一丁麵配波蘿油！首先一定要講既係佢既雞扒煎得好出色！表皮係非常香脆既，而雞肉肉質都仲係好嫩滑，有水準！滑蛋正常唔係好驚豔。丁麵煮到剛剛好，仲有少少硬既，岩岩好！另外佢仲有比埋包麻油你，加埋落去食真係正！佢既波蘿油都值得一提，個包係即叫即焗，個包係熱既，而兩塊牛油係厚切，非常邪惡！吃落口波蘿香脆而牛油冰冷，冷熱既香味係口中不停爆炸，絕對值得一試！

其實已經嚟過好多好多次，叫外賣返屋企都叫過好多好多次但好多時就係，愈食得多，反而愈唔記得影相…今次終於記得影一影，可以出篇openrice介紹一下呢間喺我 neighbourhood最愛嘅茶餐廳!必點1 – 奶茶! 作為奶茶王，杯奶茶不負所望，奶絲滑茶香濃，超愛!!必點2 – 奶油豬! 麵餐+$10就可以由多士轉奶油豬，烘到超脆口，大人小朋友都鍾意!!必點3 – 蘋果吞拿魚三文治! 加咗蘋果令到個口感同口味都upgrade咗~~必點4 – 雞翼米粉! 雞翼好入味好夠肉，新竹米粉亦係我喜歡嘅口感!必點5 – 餐蛋治! 好簡單好日常嘅三文治，但就係好厚切好好味!!

好少黎天后食野，最近有朋自遠方黎，特別帶佢黎德島飲番杯港式奶茶，德島既奶茶算有保證，專登坐車黎食。奶茶係必點，茶夠曬香，拉到好滑，奶味撞埋一齊係濃郁又香，好正！最中意佢夠熱，食完個飯仲飲到熱辣辣既奶茶係好正。主食推介佢既茶餐，雞扒一丁麵幾抵食！雞扒煎到皮脆肉滑，唔錯！另外加10蚊仲升級餐包做菠蘿油！焗到好香脆好熱，配上兩大舊牛油都係勁邪惡，但我中意！朋友叫左個咖哩雞扒飯，咖哩係接近日式既味道，比較甜，而雞扒都有兩大塊，份量足夠。

Cafe 杯咖啡就算點得我歡心💜但點都吾及一杯入魂嘅熱奶茶☕️系我心目中最喜歡系hea 茶餐廳現在更多左吾同嘅名字，例如冰室、茶記、餐室等，其實都係同出一徹。香港人嘅下午茶九成都系去茶餐廳好耐冇去過天后德島一於坐言起行，去嘆個下午茶3 點幾去到人流吾系好多，大把位，店員叫我隨便坐。差唔多次次都系食同一樣野蔥花蛋三文治蔥花同蛋的化學作用，令香味滿溢，蛋色十分出，非常嫩滑又不會出水；麵包新鮮軟熟，在這裡吃蛋冶是不二之選。熱央茶味、啡味都好似比以前淡左少少，質感都稀左啲，有啲失望。希望可以保持返以前的水準。

餐廳食物ok, 奶茶好飲，菠蘿包焗得香脆好食，不過負責叫号入座，包外賣的女服務員，就真是麻麻地，大聲粗魯，語氣又差，曾經見她在餐廳內與同事鬧交，像是潑婦罵街，以前有禮貌的員工都離職了，有待改善服務質素！

透過外賣平台叫咗外賣自取，一份奶油多加一杯凍奶茶，已經過咗取餐時間20分鐘都未有得取餐，但係眼見杯凍奶茶已經係水吧整好，放咗10幾分鐘，個奶油多都仲未整好，我就入去問個職員，佢話未得仲要等，我話杯凍奶茶已經放咗10幾分鐘變咗凍奶水，職員就話係咁㗎啦，唔會重新做俾你，你出返去等！然後就趕返我出去繼續等。本來知道佢杯奶茶係出名，但係杯奶茶喺佢水吧吧枱等咗差不多20分鐘先出到成個餐，飲落去已經冇茶味，變咗一杯奶水🥲

雖然一直都知道佢係出名奶茶，而且我亦係為咗咁而嚟，但係一入去舖頭聞到嗰種強烈嘅茶香，依然都係非常驚嘆。建議一下大家，入舖頭之前要望吓門口塊黑板，咁就可以提醒大家拳頭推介。就唔會好似我咁落雨天趕住收遮衝入舖頭，只係記得一定要嗌奶茶，出門口時發現塊黑板覺得自己蝕咗，話晒一場嚟到朝聖，係咪應該叫返佢哋嘅推介先。我叫咗一份咖喱牛筋腩意粉，咖喱汁嘅味道ok嘅，但係牛筋腩嘅部份麻麻哋，好彩杯奶茶冇令我失望，我估我應該會再嚟食埋其他拳頭推介，正！

四處覓食，路過此店，看一下名字，想起是早前有傳媒報導過的金茶王的餐廳，剛好有空枱便入去試試吧。說起金茶王這名字，我都是去年才有聽聞的。事緣有朋友請喝鴻福堂的樽裝奶茶，他們喝後說 "還是金茶王的最好飲"，我才知道有這品牌，他們還表示不是到處有售，兼且價錢不便宜，他們大多待一田、HKTV Mall有特價才入貨的。看餐牌後有點驚訝，沙爹牛肉滑蛋出前一丁配半份厚多士這麼便宜，只是$30，再望一下，噢， 原來不是套餐，飲品是另外叫的，又再望一下餐牌，又一次驚訝，一杯奶茶竟然是$23，價錢拍得住一碗麵呢，可能平時少在茶餐廳散叫飲品，$23真的不便宜喔，但那碗出前一丁又真心抵食喔!最後是叫了沙爹牛肉滑蛋出前一丁配半份多士和奶茶。奶茶先上，呷一口，感覺同平時茶餐廳喝的是有點分別，這杯奶茶有茶味和微微的苦澀味道，難怪是這個價錢了。再上出前一丁，賣相不錯，有炒滑蛋、菜心、沙爹牛肉，沙爹味剛好不會太濃太咸，牛肉不老，滑蛋滑滑、厚多士又脆口;以茶餐廳來說算高質了，出面很少沙爹牛麵會有配菜跟的。不知道他們的餐牌是否全日也一樣呢，$53對於早餐來說是頗貴，但以一個常餐來說，價錢與 翠華、太興、敏華等差不多，但質量

金茶王聽左好耐，但一次都無去過，之後仲知道佢過左身，間鋪由徒弟接手，今日老公接放工就專誠去試下，去到先知人地last order😂。簡簡單單叫個沙嗲牛米餐和咸牛肉蛋多士三文治，食物上檯時，我估係徒弟仔老闆叮囑要食左片多士先，OMG 塊多士鬆軟，熱辣辣，飄住淡淡的牛油香，好好食呢，真心有D驚喜架，因為好多時茶餐塊多士係唔好食，但係德島片多士你係食得出佢地用心做。沙嗲牛味道OK但老公覺得唔夠濃，我自己就覺得夠味。重點來喇～～～熱奶茶，well 識飲一定飲熱奶茶，熱奶茶先可以飲到茶香，奶香和順滑口感，杯奶茶確實係唔錯，下次等老公放假時，朝早再去一次😋

因為喜歡奶茶，所以認識「德島」雖然冇緣份見到創辦人「羅德心先生」但心存感恩也可品嚐他遺留下來的一杯金茶。奶茶水滾茶靚，茶奶平衡鴛鴦未到略嫌單薄食物貴精不貴多，反而頗有驚喜。沙嗲牛麵、炒蛋，多士將炒蛋放埋入沙嗲牛麵上，賣相會豐富好多，沙嗲牛肉大大片，冇加鬆肉夢粉，沙嗲汁香而不咸，撈公仔麵湯麵食超正，麵質也保持彈性，仲有條菜，感覺有用心去煮香蔥花蛋冶麵包鬆軟，蔥花夠多同嫩滑炒蛋是天生一對，一咬落去炒蛋在另一邊漏曬出嚟，可想言之有幾豐滿👍🏻店員也有禮貌，包括落單，甚至會同客人講再見，兩個人一百元消費，換來是愉快的體驗。希望香港啲服務業都要學習一下好客精神。

朋友知道我中意飲奶茶 ，就話要介紹「德島」 比我 試下💓曾經有一面之緣的羅師父☕️是港式奶茶之冠 👑很可惜在開店一個月，羅師父已離開人世！那天羅師父熱情招待，估唔到已經係最後一次試佢手藝🥲 佢沖既奶茶真係「香港第一」 ☕️冠軍奶茶 呢個名佢當之無愧 👑 茶同奶比例岩岩好👍🏻香滑回甘 ，醇澀有序，冠軍奶茶 當之無愧 ☕️ 痛心既係唔會再試到了 🥲🐷🍞 秘制紫蘿豬排包呢個包真心好正 👍🏻誠意推介感覺到用心制作 ，首先豬柳咬落去保留到鮮嫩口感，肉汁鎖係入面，再配搭子姜菠蘿🍍呢個組合真係無得頂 👍🏻👍🏻👍🏻✨ 必試 ❤️❤️🥪腿蛋治平平無奇既腿蛋治，但係都整得好好食 😋炒蛋係精粹，蛋味香濃幼滑 🥰 再配搭埋奶茶☕️一流📍 地址德島 (天后)天后水星街6-8號恆寶大廈地下B號舖

好好味的茶记，沙爹牛味道很棒，不太濃味，味道刚好！咖啡，奶茶正！正宗！香濃！每样食物都好食，display 得很好！環境舒服及衛生，服务态度很赞！堂食及外卖自取都很好！