鱷魚泰國餐廳 (Closed)

難得同媽媽兩個人撐枱腳，我就一定要搵媽媽鍾意食嘅泰國嘢同佢食，又要近屋企，所以首選一定係九龍城，但係食嚟食去都係嗰幾間，好無新意，我地決定搵間未食過嘅~好多menu相都貼咗喺牆上面，好多都好吸引，人係胃就得兩個，有好多都要等下次先食枱面已經有支水可以俾客人自己倒水飲泰式臘腸蝦醬蛋炒飯 - 我係好鍾意食泰國臘腸同埋泰式炒飯嘅，所以呢個一定無得走，呢個炒飯炒得好好味，唔會太鹹，但係又好香蝦醬味，炒飯入面好多材料，有好多蝦同肉，不過個臘腸就有少少油膩味柚子沙律 - 個沙律酸到一個點，不過好開胃，如果鍾意食酸嘢嘅朋友，呢個可以話係必試，大大嚿柚子，見到都開心，不過底嘅汁媽媽話疑似係蜜糖串燒 (牛、雞) - 個沙嗲汁好味，有少少辣，椰汁味唔會太濃，好啱我地，因為我地唔係太鍾意椰汁味濃嘅食物，串燒唔會燒到太乾，雞肉都重好Jucie泰式生蝦刺身 - 去食泰國嘢無可能唔食泰式生蝦，呢個生蝦有兩款汁，綠色一款比較辣，而淡橙色一款就比較正常辣，但係我個人鍾意兩款兩溝咁食