18巷泰國餐廳 (Closed)

平時食開既泰式菜通常都會用椰汁，咖哩做主打菜色，但食得多都厭，今次朋友介紹去Soi18食泰東北菜，主要用唔同既酸辣醬汁去配食材，一於試下有咩分別。泰式鍋巴未人齊就先個小食，呢個鍋巴酥脆可口，再配上秘製醬汁，由豬肉碎，虾肉碎，椰汁，椰糖，酸子，花生碎，乾辣椒等組成。把醬塗在鍋巴上，非常香口既一碟小食。18巷鮑魚沙律沙律由紫洋蔥砌出似荷花既造型，入面有鮑魚，沙葛同椰芯，鮑魚口感軟稔，配上爽口既沙葛和椰芯，口感豐富，而且配搭新穎，值得一試。泰東北特色“Nheam”豬軟骨呢道菜甚有泰東北特色，平時通常食豬肉碎，今次食豬軟骨，味道比豬肉碎濃而且有咬口，再配上新鮮爽脆既生菜，好惹味。辣豆醬炒椰菜苗平日去泰國餐廳次次都叫馬拉盞炒通菜，今次決定試下其他野。翠綠既椰菜苗質地比較硬，咬落去好爽脆，加上辣豆醬，帶點辣味，好過癮。芒果特飲一見到餐牌有芒果既飲品就即刻點黎試試，果然冇揀錯，唔係一般溝糖水既貨色，由芒果肉打出黎，芒果味濃，加上幼滑既冰粒，一定要試。另外值得一提係，餐廳出名醬汁，將酸辣既醬汁混合糯米飯一齊食，秘製醬汁果然係百搭，配唔同既材料都好食。比起過往食開嘅泰式菜都幾唔同，幾有新意。