Mango Tree Café (Closed)

朋友家住太古城，最近當然係去附近嘅太古坊行街街啦，我都好耐無去過果邊，到步差不多8點半，而且好多餐廳晚餐都太大份量，我地只想傾計同食少少野，見到Mango Tree散叫小食正合心意。環境不錯，地方尚算寬敞，我同朋友可以舒服傾下計。我地唔係好肚餓，二人餐好似太多，不過計返都抵過散叫。我地諗左好耐，都係叫自己鐘意嘅野食，叫左3款，分別係＜芒果軟殼蟹沙律＞＜紅咖喱八爪魚墨汁麵＞＜串燒拼盤＞＜芒果軟殼蟹沙律＞嫌菜太少，如果有沙律汁比較好，軟殼蟹不油，都算OK。＜紅咖喱八爪魚墨汁麵＞份量都足夠，八爪魚份量剛好沒偷工減料，麵梗度適中 不會過腍。＜串燒拼盤＞有2個汁味道都不錯，有酸酸甜甜，另外一個是沙嗲，但嫌串燒份量太小。總結來說，食物環境不錯，2個女仔去食都夠飽，埋單HKD 350 ，見議差五十幾蚊叫2人餐比較化算。