Mango Tree Café (Closed)

難得今日得閒, 決定行遠D去食晏。 12:45 既太古城, 處處都排長龍, 唯獨呢間得3個人等, 就食呢間啦! 等左5 分鐘入得, 開心!叫左兩個SET LUNCH, 價錢唔算平既, 不過之前食過幾好味, 貴少少又何妨。牛肉肉丸船河 - 啖湯好清甜, 牛丸不過不失, 可惜牛肉煮得太耐, 好un, 咬極都咬唔開咁。側邊個辣汁反而有驚喜, 酸酸辣辣的, 撈左D河粉, 好味! 泰式焗豬排飯 - 坦白說, 除左呢個係黃薑飯及價錢有分別, 諗唔到同大X 樂有咩分別之處.....飲品冇咩特別所以唔評論。

行到腳仔軟，但终於買到兩份禮物。行咗幾間餐廳，決定去Mango Tree。之前去曼谷食過，覺得好好味，於是想到呢間回味下。原本準備入去，但waitress叫我們等等，正在轉下午茶。過咗好多個一陣，終於拾好位，便立即點了海鮮喇沙海河，牛肉肉丸船河，香茅奶茶，薄荷荔枝冰，加小小錢要多個泰茶拉米蘇。海鮮喇沙海河好有椰香味，好濃，好好味，牛肉肉丸船河亦好好味，都算香濃，咸甜度適中。兩碗粉及餸份量剛好，很飽肚。香茅奶茶，好香的香茅味，薄荷荔枝冰亦OK。泰茶拉米蘇其實是tiramisu，好香咖啡味，好creamy好滑哦！坐隔離有位媽媽細心地，為一位約四歳左右女兒點餐，不斷問職員辣唔辣，有咩材料等，而職員態度亦很恩切。

其實員工嘅態度正常，唯獨經理好神奇。 本身我地同其中一個staff預先order左cake,講明叫上先上，佢仲話星期四可以任坐無時限。 食左一輪，我地其實未飽，點知佢地旋風式收哂啲餐具，說時遲 那時快，仲上埋個驚喜甜品，我地全部呆哂。跟住同上菜個staff講我地未飽，想再叫，咁個staff番番去廚房諗住放底，點知個經理大大聲：「玩野」 跟住我地怕有手尾，叫埋碟甜品番黎，個經理又大大聲：「拎番出去呀」明明錯不在我地，卻俾經理咁嘅對待，真係差啲以為自己under佢。

行到累就住底食左下午茶 我就叫左喇沙河, 味道都唔錯, 份量就岩岩好,個湯ok 但海鮮就一般般, 感覺擺左有D耐, 唔新鮮另外我都叫左杯奶茶茶味比較淡味, 下午茶88hkd 我覺得可以更好

去到太古探新入伙既朋友，突然諗起想食泰國菜，想食泰式生蝦刺生，不過朋友左諗右諗都搵唔到邊間有得食泰式生蝦刺生食，而附近泰國餐廳唔多，最後決定去太古城 Mango Tree Cafe 食泰國菜，雖然冇泰式生蝦刺生食，但都可以叫個冬蔭功湯止下泰國菜癮。叫咗個二人餐，其實價錢都唔平，不過計落二人餐比散叫真係抵好多。前菜拼盤 (雞、牛肉沙爹、 冬蔭炸雞翼、烤豬肉鮮蝦米紙卷)一個拼盤有齊咁多小食、肉食，好豐富，烤豬肉鮮蝦米紙卷味道清新，最特別讚既就係冬蔭炸雞翼，開邊雞翼，炸皮惹味，裡裡外外都好入味冬蔭功味。如果唔叫餐，下次都會必食呢個冬蔭炸雞翼！燒安格斯肉眼扒5成熟牛扒生熟度控制得啱啱好，牛扒仲有牛筋，燒得惹味又好有咬口。幼薯條值得一讚，好特別，好好食，皮脆，但裡面口感煙韌，好有咬口，可惜份量唔多。泰式大蝦炒粉絲平時多數係食炒金邊粉，今次係第一次食用粉絲炒，不過口感都係金邊粉夾D好食D，不過整體味道好食。黑糯米湯圓怕食甜既一定會好鍾意食，因為黑糯米完全唔甜，味淡，最啱鍾意食甜品但又怕甜既人。湯圓係甜既黑芝麻餡。班蘭焦糖燉蛋 班蘭味淡，味道同一般焦糖燉蛋 一樣。

食物都算美味，但侍應質素比起這餐廳的格局不對稱，他年紀唔細，落單時唔寫低，靠記性，結果三樣食物落錯兩樣，最慘係差不多，要配飯俾錯鬆餅，為了不浪費食物，惟有收貨。佢又成日問住，好似落力，其實唔知客最想要咩，水都唔補充

Receptionist 態度差，想要張圓臺佢話“未執呀，要揀臺有排等”。叫左個2人set dinner，set 飲品唔俾upgrade 做泰色特飲。串燒太乾，蝦唔新鮮，粉絲勁乾好難食。無下次。

在太古城看完電影已經到tea time經過mango tree見到有tea set供應便進去了這家晚市有食過, tea time第一次沒想到下午茶選擇挺多的 (幾乎是一個茶餐廳下午茶餐牌)雖然萬變不離其本, 都是咖哩、椰汁、炸物的各式各樣自由組合我們3人點了3款(忘了餐牌上正式的菜式名了)青咖哩撈檬配豬頸肉身為一個熱愛咖哩人士, 平日食咖哩飯都喜歡”飲汁”的人, 我是可以接受這碗” 愈食愈”傑”, 食到半路覺得自己飲緊青咖哩”的粉的但真心很難想像是否每個點這道的人都接受到? (雖然我最後也吃光了)味道是無問題的, 非常重椰汁味, 但如果湯可以稀一點會更好, 始終配檬粉吃, 檬粉吸汁後也愈來愈”冧”…海鮮喇沙(無影相)同理, 也是粉很快便愈來愈”冧”, 湯也是非常重椰汁味, 也一樣是愈食愈”傑”,真心覺得湯稀一點點會更有吃喇沙的感覺 (想吃偏湯粉)PS:這碗的海鮮料挺足的 (雖然我們更喜歡湯和粉XD)泰式撈麵配雞翼這道看字面不太想像到但實際味道還挺好的, 雞翼炸得剛好(頗有誠意)醬的調味、麵的質感都不錯, 喜歡花生醬系的會喜歡(但有一點略乾身) Overall 作為下午茶不錯啊(高CP,

🥭 Mango tree cafe 👧🏻有些時候就喜歡自己一個四處逛逛食下野無意中入左太古城這間泰國菜吃了午餐☺️☺️☺️有午市套餐環境夠闊落，待應服務都不錯只怪食物水準好普通好普通👎🏽👎🏽👎🏽🔸牛肉·肉丸船河$❽❽的確有好多香料，但上檯時候完全不熱湯底顏色好深色似濃郁不過飲落無咩味道牛肉有點鞋🔸香茅茶（跟餐）味道不是👧🏻杯茶🤢🤢🤢🤢建議大家飲返奶茶/檸茶

服務態度差，叫極都吾應，極串，吾知想點咁尤其是個經理！食左個菠蘿炒飯，青咖喱，食物一般般，哩個價位就有D吾直囉。講真同朋友食飯都系自在聚一下，食到一肚氣就吾好啦⋯⋯ 吾想大家中伏，所以先腐皮巴打絲打們小心

食物款式幾多嘅泰國菜，價錢偏貴，但食物精緻～爸媽夜晚唔想食到咁飽，於是我哋冇嗌主食寧願試多幾款小食，有啲感覺唔系真係咁泰式，有啲西式 fusion 嘅感覺烤白鱔 ❤️ ($98)評分：8/10.好少見到有烤鱔食 😙 件數唔多但非常肥美，彈牙同嫩滑👍 而且冇細骨真係抵讚 ✌️ 同鰻魚嘅口感相似但感覺更飽滿、唔腥烤墨魚仔 ❤️ ($90)評分：7.5/10.呢個都好食嘅不過感覺凍咗味道瞬間淡口咗好多 😅 墨魚烤至彈牙，但整體總係感覺差緊啲嘢，要夠酸辣醬汁先勉強將味道逼到出嚟～😗 或者火侯可以再猛啲肉碎生菜包 ❤️ (價錢後補)評分：8/10.呢味餸多數一家人去食泰菜都會嗌，皆因媽媽要求大家要食多啲菜 😂 咁樣插住一筒菜個樣幾盞鬼 😆 突然田園風爆棚～肉碎齎食的話都幾梗吓，好嗆口😚 都係包番生菜食先得，生菜片幾爽口冬蔭功湯 (價錢後補)評分：7/10.飲第一啖覺得幾香，但越飲越覺得唔系好得 😐 太酸同太濃味，辣就唔系好辣但香得濟飲得唔太舒服，要邊食邊飲中和番先得芒果沙冰 ❤️ ($32)評分：8.5/10.好似山咁高嘅芒果沙冰 😋 味道好好，唔太酸，亦都唔會甜到打冷震。我諗同宜家芒果當造有關～覺得佢哋

Food was okay (if you dont take the price into account. If you do, then i would say its slightly overpriced. The dish werent hot enough. My family and i spent nearly 200hkd on a room temperature steak. I personally would recommand you to visit the one in element shopping mall instead)The service here is just terrible. A lot of the staffs seems didnt go through any training. I tried the one in elements ages ago and i thought the newly opened tai koo shing mango tree would be more or less the same

Everything was pretty good; except their “Thai style @ bubble tea”. Especially their dessert was so good...I will definitely echo another round if I wasn’t that full.

好姊妹嚟玩，梗係要帶佢去食好西啦～ 呢間都算係我地屋企飯堂嚟㗎～ 都叫咗幾多野～ 4大1小食量不容忽視先來個燒粟米比米豬，好香炭燒味，又冇乾真真，我切嗰陣仲有勁多汁必出嚟～泰菜點小得炸物～ 來一個香茅炸尤魚圈～ 脆衣有小小厚，尤魚圈有好香香茅同九層塔味～ 整體嚟講都唔錯烤慢煮乳豬好香好嫩嘅肉，最正係層皮脆卜卜，加埋烤到香噴噴嘅肥膏同入晒味嘅乳豬腩，超正！海鮮炒飯炒得幾乾身，但海鮮仲有小小雪味Phad thai pizza, 每次必點～ 因為真係好好味～ 只係略嫌批底有啲厚，配料好新鮮，顛覆一般對pizza嘅感覺九層塔蜆煲呢個好驚喜因爲蜆肉索晒香料嘅味得嚟又唔靭，仲好大隻同juicy~ 太肚餓再叫多個phad thai，勁熱辣辣，但係又辣辣地，明明上2次食都唔辣㗎喎🤔最後點少得經典泰國甜品 芒果糯米飯佢地再加一球雪糕响面，暖暖嘅糯米飯加香甜芒果再加冰凍雪糕！ 明明好飽都仲食得晒埋單一人2百幾，小朋友又坐得舒服，大人又傾到計，區內算幾好啦～

晚餐2人套餐抵食又好味, $405, 小食飲品甜品每樣4揀1, 兩款主菜有多項選擇。 我哋揀咗沙嗲雞牛每款2串, 黃咖喱海鮮(大蝦, 帶子,魷魚, 鱈魚)配蒜蓉包, 泰式大蝦炒粉絲, 芒果芝士蛋糕, 朱古力雪糕石板街同青檸梳打, 全部都好好味, 尤其係兩味海鮮! 最重要員工超老實, 我漏低咗手機兩小時後先發現, 諗住凍過水, 打番自己手機係餐廳經理Samuel接聽,笑说等咗我一世, 去餐廳攞番手機時佢堅持唔收小費, 叫我多d幫襯就得喇! 好! 我一定會, 仲會推介俾大家!