Video
Opening Hours
*Last Order: 22:30
Mon - Sun
11:30 - 23:00
Above information is for reference only. Please check details with the restaurant.
難得今日得閒, 決定行遠D去食晏。 12:45 既太古城, 處處都排長龍, 唯獨呢間得3個人等, 就食呢間啦! 等左5 分鐘入得, 開心!叫左兩個SET LUNCH, 價錢唔算平既, 不過之前食過幾好味, 貴少少又何妨。牛肉肉丸船河 - 啖湯好清甜, 牛丸不過不失, 可惜牛肉煮得太耐, 好un, 咬極都咬唔開咁。側邊個辣汁反而有驚喜, 酸酸辣辣的, 撈左D河粉, 好味! 泰式焗豬排飯 - 坦白說, 除左呢個係黃薑飯及價錢有分別, 諗唔到同大X 樂有咩分別之處.....飲品冇咩特別所以唔評論。
continue reading
行到腳仔軟，但终於買到兩份禮物。行咗幾間餐廳，決定去Mango Tree。之前去曼谷食過，覺得好好味，於是想到呢間回味下。原本準備入去，但waitress叫我們等等，正在轉下午茶。過咗好多個一陣，終於拾好位，便立即點了海鮮喇沙海河，牛肉肉丸船河，香茅奶茶，薄荷荔枝冰，加小小錢要多個泰茶拉米蘇。海鮮喇沙海河好有椰香味，好濃，好好味，牛肉肉丸船河亦好好味，都算香濃，咸甜度適中。兩碗粉及餸份量剛好，很飽肚。香茅奶茶，好香的香茅味，薄荷荔枝冰亦OK。泰茶拉米蘇其實是tiramisu，好香咖啡味，好creamy好滑哦！坐隔離有位媽媽細心地，為一位約四歳左右女兒點餐，不斷問職員辣唔辣，有咩材料等，而職員態度亦很恩切。
continue reading
其實員工嘅態度正常，唯獨經理好神奇。 本身我地同其中一個staff預先order左cake,講明叫上先上，佢仲話星期四可以任坐無時限。 食左一輪，我地其實未飽，點知佢地旋風式收哂啲餐具，說時遲 那時快，仲上埋個驚喜甜品，我地全部呆哂。跟住同上菜個staff講我地未飽，想再叫，咁個staff番番去廚房諗住放底，點知個經理大大聲：「玩野」 跟住我地怕有手尾，叫埋碟甜品番黎，個經理又大大聲：「拎番出去呀」明明錯不在我地，卻俾經理咁嘅對待，真係差啲以為自己under佢。
continue reading
行到累就住底食左下午茶 我就叫左喇沙河, 味道都唔錯, 份量就岩岩好,個湯ok 但海鮮就一般般, 感覺擺左有D耐, 唔新鮮另外我都叫左杯奶茶茶味比較淡味, 下午茶88hkd 我覺得可以更好
continue reading
去到太古探新入伙既朋友，突然諗起想食泰國菜，想食泰式生蝦刺生，不過朋友左諗右諗都搵唔到邊間有得食泰式生蝦刺生食，而附近泰國餐廳唔多，最後決定去太古城 Mango Tree Cafe 食泰國菜，雖然冇泰式生蝦刺生食，但都可以叫個冬蔭功湯止下泰國菜癮。叫咗個二人餐，其實價錢都唔平，不過計落二人餐比散叫真係抵好多。前菜拼盤 (雞、牛肉沙爹、 冬蔭炸雞翼、烤豬肉鮮蝦米紙卷)一個拼盤有齊咁多小食、肉食，好豐富，烤豬肉鮮蝦米紙卷味道清新，最特別讚既就係冬蔭炸雞翼，開邊雞翼，炸皮惹味，裡裡外外都好入味冬蔭功味。如果唔叫餐，下次都會必食呢個冬蔭炸雞翼！燒安格斯肉眼扒5成熟牛扒生熟度控制得啱啱好，牛扒仲有牛筋，燒得惹味又好有咬口。幼薯條值得一讚，好特別，好好食，皮脆，但裡面口感煙韌，好有咬口，可惜份量唔多。泰式大蝦炒粉絲平時多數係食炒金邊粉，今次係第一次食用粉絲炒，不過口感都係金邊粉夾D好食D，不過整體味道好食。黑糯米湯圓怕食甜既一定會好鍾意食，因為黑糯米完全唔甜，味淡，最啱鍾意食甜品但又怕甜既人。湯圓係甜既黑芝麻餡。班蘭焦糖燉蛋 班蘭味淡，味道同一般焦糖燉蛋 一樣。
continue reading