Video
Read full review
2024-03-22
10 views
我諗大家一定試過去旺中掃街，今次行旺中嘅時候發掘到一間好多人排隊嘅泰國菜，仲要係由泰國人主理嘅，我地見到有香蕉煎餅就即刻決定試吓榛子香蕉煎餅 $32相信香蕉煎餅喺餐廳嘅主打，見到好多人揸住嚟食，呢度嘅香蕉煎餅有好多唔同口味，我哋就揀咗最經典嘅榛子味，價錢都唔算貴，因為我哋前面啱啱有幾個客落咗單，所以我哋落單之後都要等20分鐘，咁大家可以落完單之後喺旺中行吓再返嚟拎。呢個香蕉煎餅好高質，即叫即整所以熱辣辣，入面嘅香蕉軟糯，外層嘅煎餅薄薄地，煎到金黃酥脆，外脆內軟😍😍面頭鋪上滿滿嘅榛子醬😍係一個好邪惡，但又好好食嘅小食，超級推薦泰式酸辣肉碎飯+煎蛋 $45+$5一開頭見到肉碎嘅顏色比較淺色，同想像中有啲唔同，仲擔心會冇乜味道，但食落其實好好食，肉碎好香口，食到豬油嘅香味，而微微嘅泰式酸辣味再令成個味道更上一層樓，連底下嘅飯都煮得好好，硬度適中，帶有肉碎嘅豬油香👍🏻👍🏻泰式鳳爪 $42泰式鳳爪都係經典食泰菜嘅時候會叫嘅一道前菜，呢度嘅鳳爪份量都唔少，又入味，食落酸酸甜甜辣辣，好開胃自家椰汁西米糕 $15/2件椰汁西米糕同平時見到有塊葉圍係出面嘅唔同，呢度係用一個小膠杯裝住嘅，可以見到佢分咗
榛子香蕉煎餅 $32
相信香蕉煎餅喺餐廳嘅主打，見到好多人揸住嚟食，呢度嘅香蕉煎餅有好多唔同口味，我哋就揀咗最經典嘅榛子味，價錢都唔算貴，因為我哋前面啱啱有幾個客落咗單，所以我哋落單之後都要等20分鐘，咁大家可以落完單之後喺旺中行吓再返嚟拎。呢個香蕉煎餅好高質，即叫即整所以熱辣辣，入面嘅香蕉軟糯，外層嘅煎餅薄薄地，煎到金黃酥脆，外脆內軟😍😍面頭鋪上滿滿嘅榛子醬😍係一個好邪惡，但又好好食嘅小食，超級推薦
泰式酸辣肉碎飯+煎蛋 $45+$5
一開頭見到肉碎嘅顏色比較淺色，同想像中有啲唔同，仲擔心會冇乜味道，但食落其實好好食，肉碎好香口，食到豬油嘅香味，而微微嘅泰式酸辣味再令成個味道更上一層樓，連底下嘅飯都煮得好好，硬度適中，帶有肉碎嘅豬油香👍🏻👍🏻
泰式鳳爪 $42
泰式鳳爪都係經典食泰菜嘅時候會叫嘅一道前菜，呢度嘅鳳爪份量都唔少，又入味，食落酸酸甜甜辣辣，好開胃
自家椰汁西米糕 $15/2件
椰汁西米糕同平時見到有塊葉圍係出面嘅唔同，呢度係用一個小膠杯裝住嘅，可以見到佢分咗兩層，上層係椰汁味，下層就有好多西米，比較特別嘅係入面有啲細嘅芋頭粒，豐富左口感，而且價錢都好抵，值得一試
龍眼茶（跟餐附送）
呢度嗌主食嘅話就會送一杯細嘅龍眼茶，以送嘅質素來講都唔錯，飲落幾清新
Post
