Chor Bazare Indian Cuisine

Open Now

Now Closed

大坑出名多嘢食，小編JP不時都會嚟呢區搵好嘢食。今日就喺新村街見到呢間主打印度菜同泰國菜嘅餐廳：Chor Bazare Indian Cuisine。但將泰國菜同印度菜放埋一齊，得唔得㗎？原來近期餐廳重新設計餐牌，將泰國菜融入印度菜，為味蕾帶嚟新鮮感覺，食過嘅朋友都大讚，口碑唔錯啊！酸辣椰奶雞湯配泰式炸魚餅本身以為酸辣椰奶雞湯同冬蔭功湯無乜分別，最多都係配主角由蝦換上雞。但原來餐廳用咗唔少香料調味，酸辣比例啱啱好，加上濃濃嘅椰香味，味道好有層次。至於泰式炸魚餅即叫即炸，非常香口。泰式蝦河粉同樣地，泰式蝦河粉嘅甜酸比例好balance，炒嘅時間控制得好好，唔會有油膩感，而且充滿鑊氣，河粉亦唔會炒碎晒，鐘意食泰式炒河嘅朋友一定要試吓。牛油雞咖哩印度嘅咖喱用咗唔少香料，味道非常強烈，所以牛油雞咖喱絕對係入門級嘅印度菜。牛油雞咖哩個名雖然有牛油兩個字，但其實佢用咗蕃茄作醬汁嘅主調，所以味道上係酸酸辣辣甜甜，味道充滿層次。店員建議我哋配上印度薄餅，因為厚身嘅薄餅可以蘸到更多咖喱汁，令味道double up。而雞係用上印度烤雞，入口嫩滑，配上咖哩醬汁真係胃口大增。