牛石料理 (Closed)

九龍城原來都有咁出色既日本菜，呢間小店門口已經有魚缸放晒啲游水活海鮮，一睇就知食材高檔有保證，一定要試下！串燒👅燒日式雞肉棒，日式燒雞翼，豚肉蘆筍卷，日本鹽燒雞皮～重點都係雞，呢間既雞串燒都幾多款，雞肉棒肉質軟腍，點少少燒汁就好好食啦；雞翼燒到皮好脆，肉好嫩，好惹味；雞皮就仲脆，脆到索索聲，少少咸多多趣呀；豚肉蘆筍卷就好香口，軟嫩既豚肉包住新鮮既蘆筍去燒，豚肉既油香滲晒落蘆筍到，又係好惹味！海膽杯💋海膽好多，好滑好鮮，仲有三文魚籽，一粒粒好爽，好咸鮮，加埋少少壽司飯，味道岩岩好！鮑魚刺身👀鮑魚以刺身上枱，最能帶出鮑魚既原始鮮甜滋味，爽甜彈牙既鮑魚質感好好，係爽脆既口感，每一啖都散發海水鹹鮮味，一片片食得好開心！