Video
Read full review
2024-08-26
411 views
港/台式火鍋就成日食，呢間係泰式火鍋放題，究竟有咩分別?! 食力組組員就相約一齊去試下。三種價位，要咗B餐 ($268) 澳洲產極選肩胛牛小排，有成80種食品選擇。任飲任食兩個鐘，基本啦。多款特色泰式湯底，選擇檸檬香茅鍋及青檸椰奶鷄湯鍋，滾起時已經聞到好香嘅香茅味，加上有檸檬微酸味，估唔到用黎火鍋(尤其烚肉時)都幾夾。掃二維碼就可落主要肉類及小食，侍應先送上幾客極選肩胛牛小排，薄薄一片，脂肪分佈及肉色靚仔。好快轉色就食得，口感柔軟及幾重肉味，馬上追加。另有極上牛舌又係唔可以錯過，軟熟得黎又有少少嚼口。丹麥產皇冠豚梅肉唔會太肥，食得過。其他蔬菜，丸類，菇類及粉麵類都可以自己出去拎。估唔到連泰式海南鷄度都有得食隔離仲有油飯，咁就少少地自製一客海南鷄油飯啦。加埋特色鷄醬，又有有味飯，要叫自己唔好食太多呀。見到有沙嗲鷄肉豬肉串，叫D黎過下口癮。熟食方面有幾款，小試咖喱海鮮及泰式海鮮炒粉絲，質素比美散叫。仲有泰式沙律及生果出面自助區亮點莫過於自己撈蝦，未試過自己撈跟手再火鍋。活蝦黎架，入口彈牙唔係霉，食多幾隻都可以。除咗紙包/罐裝凍飲外仲有自斟泰式飲品，泰奶/泰式綠奶茶/香茅水都有。清熱之選梗
三種價位，要咗B餐 ($268) 澳洲產極選肩胛牛小排，有成80種食品選擇。任飲任食兩個鐘，基本啦。
多款特色泰式湯底，選擇檸檬香茅鍋及青檸椰奶鷄湯鍋，滾起時已經聞到好香嘅香茅味，加上有檸檬微酸味，估唔到用黎火鍋(尤其烚肉時)都幾夾。
掃二維碼就可落主要肉類及小食，侍應先送上幾客極選肩胛牛小排，薄薄一片，脂肪分佈及肉色靚仔。
好快轉色就食得，口感柔軟及幾重肉味，馬上追加。
另有極上牛舌又係唔可以錯過，軟熟得黎又有少少嚼口。
丹麥產皇冠豚梅肉唔會太肥，食得過。其他蔬菜，丸類，菇類及粉麵類都可以自己出去拎。
估唔到連泰式海南鷄度都有得食
隔離仲有油飯，咁就少少地自製一客海南鷄油飯啦。加埋特色鷄醬，又有有味飯，要叫自己唔好食太多呀。
見到有沙嗲鷄肉豬肉串，叫D黎過下口癮。
熟食方面有幾款，小試咖喱海鮮及泰式海鮮炒粉絲，質素比美散叫。
仲有泰式沙律及生果
出面自助區亮點莫過於自己撈蝦，未試過自己撈跟手再火鍋。
活蝦黎架，入口彈牙唔係霉，食多幾隻都可以。
除咗紙包/罐裝凍飲外
仲有自斟泰式飲品，泰奶/泰式綠奶茶/香茅水都有。
清熱之選梗係香茅水，甜甜地又有香茅清香味，好飲。
點少得泰式糕點呀?! 有椰汁西米糕及斑蘭糕，好搶手架。
好唔容易先拎到，好味。
仲有雪糕及DIY刨冰，自助區有部刨冰機，仲有多款配料比你加配。
友人食雪糕杯，而我就享受埋呢客椰果菠蘿涼粉冰，食完透涼呀。
今次嘅泰式火鍋若果鍾意食泰菜嘅都會收貨。
Post
