Video
Read full review
2016-03-08
378 views
多年來我真係打從心底欣賞泰婆煮既泰國菜，食左都有十年多喇 ﹗暫時依然係全大埔最好味既泰菜，完全無花巧、無卓頭，撲撲實實、實實在在地提供美食便是了 ﹗再添上點人情味，so warm。有次叫外賣不幸地泰婆放假，唔知邊個替工煮堆垃圾出黎，又咸又乾，唔新鮮又馬虎 ﹗嚇鬼死，勁難食呢。今晚最後一場鏢賽作客今日之星，順道食泰婆啦，請給我力量吧 ﹗鏢賽進行中 order 外賣醫肚，今晚打住八號風球作客今日之星鏢賽，order 沙士亞泰婆美食到會啦 ﹗都有十多年無幫襯佢喇，由過來吧到沙士亞都十幾年喇。一山還有一山高，大埔翠屏商場紅辣椒即時被比下去了，泰婆水準有過之而無不及，超好味 ﹗懷念當年泰式海鮮炒飯加辣，有時菜有辣椒有海鮮，乾爽又勁辣，好食到念念不忘。就算紅磡泰亞萊都要企埋一邊啦。其實我食左晚飯先到場架，好飽呢 ﹗既然係泰婆美食，就算我幾飽都要食啦 ﹗泰式生蝦刺生，即叫即劏新鮮無比，那有輸的道理 ﹗彷似感覺得到脈膊跳動般新鮮呢 ﹗入口便知即做冰鎮生蝦，鮮嫩多汁又爽口彈牙，帶新鮮蝦材有既黏黏口感。蝦肉鮮爽而黏口，濕潤而嫩滑，清香蝦味證明蝦既靈魂剛剛升天，正到震呀 ﹗掉隻蝦落去秘製酸辣汁游游水，情緒高
鏢賽進行中 order 外賣醫肚，今晚打住八號風球作客今日之星鏢賽，order 沙士亞泰婆美食到會啦 ﹗都有十多年無幫襯佢喇，由過來吧到沙士亞都十幾年喇。一山還有一山高，大埔翠屏商場紅辣椒即時被比下去了，泰婆水準有過之而無不及，超好味 ﹗懷念當年泰式海鮮炒飯加辣，有時菜有辣椒有海鮮，乾爽又勁辣，好食到念念不忘。就算紅磡泰亞萊都要企埋一邊啦。其實我食左晚飯先到場架，好飽呢 ﹗既然係泰婆美食，就算我幾飽都要食啦 ﹗
泰式生蝦刺生，即叫即劏新鮮無比，那有輸的道理 ﹗彷似感覺得到脈膊跳動般新鮮呢 ﹗入口便知即做冰鎮生蝦，鮮嫩多汁又爽口彈牙，帶新鮮蝦材有既黏黏口感。蝦肉鮮爽而黏口，濕潤而嫩滑，清香蝦味證明蝦既靈魂剛剛升天，正到震呀 ﹗掉隻蝦落去秘製酸辣汁游游水，情緒高漲，超正呀 ﹗辣度十足夠開胃 ﹗如虎添翼 ﹗一食就知係泰婆親自操刀啦，太幸福喇 ﹗最衰無生蒜片啦，我鍾意跟一小片生蒜片，將味道昇華到更高層次又更豐富，仲可以殺菌呢 ﹗必食推介 ﹗試過係翠屏商場紅辣椒食，係雪櫃攞出黎，乾爭爭，溫度過低，非常冰冷，除左雪櫃味就食唔到任何味道，質地死實唔新鮮 ﹗
泰式生牛肉，我將大量辣椒夾著生牛肉直放入口，勁辣帶酸好刺激，堅辣到中上程度，爽呀 ﹗其實唔算全生牛肉，起碼都有 3 成熟囉。不過不失，因為大部份既配料我都唔多鐘意食。
泰式豬肉生菜包，香料眾多無賴皮，非常香口好味道 ﹗磅上有名同樣係必食推介 ﹗肉鬆跟多樣香料香菜炒得香香的，豬肉味濃，肉汁富豐。捲上鮮爽生菜塞入口，一咬噴汁 ﹗先係清爽味道來襲，繼而香濃肉汁殺到，再打成一片，好好食。豬肉味濃，香甜多汁，乾蔥同香料爆得香噴噴，再用冰涼鮮爽生菜卷住食，外冰內熱、外脆內彈，一淡一濃，微辣酸甜清爽配得出色。如果我自己食仲會要求加辣呢，增進食慾及加入刺激既感覺，爽爽。
泰式炸蝦餅，形狀幾可愛，磋成圈狀更快又更容易熟透，即叫即炸，熱辣辣出晒煙送上，熱燙燙到步。香氣直擊腦袋，索一索精神爽利。無需多講，食左先講 ﹗一咬落去就清楚晒，外層鬆化香脆無窮，蝦膠彈牙鮮味，有著生命與靈魂，滴滴肉汁閃令令 ﹗一咬索一聲肉汁應聲射出 ﹗蝦膠新鮮度極高，鮮味非常，香氣籠罩整個畫面 ﹗堅嫩滑、堅彈牙，浪花般既肉汁不停拍打嘴角，非常美味，沾上大量泰式甜酸醬更增食慾，無得頂呀 ﹗跟某些炸定翻熱或是外購貨邊有得比，不值一提添啦。
沙嗲雞牛豬串燒併盤，快狠準好味 ﹗外層微燶帶脆，肉汁被牢牢銷住，有咬口之中帶點彈彈既感覺，肉味突出，醃得剛好無過火，仍然能散發出一絲鮮肉香味，雞牛豬都好食。全部燒烤味香濃，我對甜既沙嗲醬麻麻，食原味已夠晒數 ﹗雞肉皮脆肉嫩香口 juicy、牛肉味濃多汁有嚼勁、豬肉甜美棉腍，通通過關，食得過 ﹗傳統自家泰式沙嗲醬甜而不辣，主要花生醬再混入蛋黃醬或沙律醬及香料即成。
炸香茅雞中翼，依個較為強差人意喇，未夠肥美又瘦猛猛又乾爭爭既雞中翼，中中等等啦。炸得乾爽唔油膩，微弱既香茅味已完全被豉油味所遮掩，偏咸且濁。內外雞汁都同樣流失，沒有半點肥美可口之感呢。
椒鹽墨魚咀，市面上依然罕見既墨魚咀，供應少真係好難買得到。炸完再回鑊加上辣椒蒜蓉及椒鹽，非常香口帶微辣 ﹗爽脆又嚥韌，好惹味 ﹗一定要趁熱食呀，凍左就越來越咸呢。
大蝦冬陰功湯，酸辣及椰奶味都非常平衡，湯底濃稠，唔會水汪汪。酸味不嗆、辣味不嗆，味道非常和諧，各有出眾之處。趁熱飲非常美味，仲散發著淡淡香茅及蝦肉香味。大蝦亦一絲不苟，蝦肉爽口帶鮮味，雖說不上游水蝦，但已達標喇。泰式炒什菜，開呀 ﹗熱辣辣送到，傅統泰式芡汁甜甜的而非常厚身，撈上新鮮爽嫩時蔬，而且充滿水份，都好味道。整體滿意，可以添食。
皮蛋釀蝦膠跟子薑，係 menu 見到好得意喎，咪叫黎試試囉，做食家最緊要有冒險精神呢。不過不失啦，蝦膠有點死實無鮮味，彈性欠棒。皮蛋大路，跟蝦膠子薑同吃無咩驚喜，一試無妨。依個配幾有趣，不過麻麻地。令我諗起愛爾蘭炸蛋。將半熟蛋釀入免治豬肉之中，係麵包糠上滾動再炸到香脆，一劏開蛋醬噴出，跟豬肉混和，好好味。
冬陰功湯、生蝦刺生、炸蝦餅、香茅雞中翼、生菜包、串燒併盤
37 views
0 likes
0 comments
泰式生蝦刺生
15 views
0 likes
0 comments
泰式豬肉生菜包
27 views
0 likes
0 comments
炸香茅雞中翼
15 views
0 likes
0 comments
沙嗲串燒雞牛豬
8 views
0 likes
0 comments
泰式炸蝦餅
11 views
0 likes
0 comments
大蝦冬陰功湯
16 views
0 likes
0 comments
泰式生蝦刺生、泰式炒什菜、炸雞中翼、沙嗲雞牛豬串燒併盤
14 views
0 likes
0 comments
炸雞中翼
16 views
0 likes
0 comments
泰式炒什菜
12 views
0 likes
0 comments
皮蛋釀蝦膠跟子薑
6 views
0 likes
0 comments
泰式生蝦刺生
13 views
0 likes
0 comments
沙嗲雞牛豬串燒併盤
18 views
0 likes
0 comments
沙嗲雞牛豬串燒併盤
25 views
0 likes
0 comments
泰式炸蝦餅
23 views
0 likes
0 comments
泰式生蝦刺生
10 views
0 likes
0 comments
泰式豬肉生菜包
22 views
0 likes
0 comments
沙嗲雞串
17 views
0 likes
0 comments
椒鹽墨魚咀
15 views
0 likes
0 comments
Post
