阿閒泰 (K11購物藝術館)

Open Now

Now Closed

尖沙咀坐得好少少又唔算貴嘅午餐，呢間泰式菜就係唔錯嘅選擇。炭燒雞扒濃湯船麵，揀了幼麵。呢碗船麵可以話係一個非常豐富嘅選擇！炭燒雞扒香氣十足，外層微微焦香，雞肉嫩滑多汁，夠哂入味。配埋濃郁嘅湯底，湯底醇厚，帶有微辣同少少香料嘅甘香味，幼麵口感煙韌。冬蔭功虎蝦湯麵，揀了米粉。湯底好香辣。虎蝦新鮮爽口，米粉滑嫩，好惹味。小食加了泰式單骨雞翼及鹹蛋黃薯條。泰式單骨雞翼，雞翼炸到金黃香脆，但內裡肉質仍然保持嫩滑。調味方面用咗泰式風味嘅醬汁，帶少少酸辣味，完全唔會覺得膩口，非常適合作為小食。鹹蛋黃薯條外層均勻地裹上鹹蛋黃醬，鹹香濃郁。飲品泰式季節茶及即磨咖啡。熱泰式季節茶帶有微微嘅香料氣息，而即磨咖啡就充滿香濃嘅咖啡豆味道。