媽咪隨意屋 (Closed)

喺長沙灣新開左一間泰式餐廳，佢嘅裝修同埋報置好似車仔麵檔嘅形式，廚房係open kitchen，好多嘢食都係整定，係以快餐形式經營，落完單唔夠5分鐘就有得食，非常之適合繁忙嘅上班一族。鮮蝦球船粉，配料就有生菜蘿蔔同炸豬皮。味道不過不失，始終係快餐，所以味道都唔可以有太高嘅要求。但河粉嘅份量非常多，女仔來講一碗都食唔晒。小食叫咗個一口炸豆腐，好香脆，加埋啲炸蒜一齊食味道就更加豐富。嘢飲就叫咗杯粉紅西柚特飲，顏色好靚，味道甜甜酸酸，都唔錯。