泰邊爐 (Closed)

港式打邊勞就打得多，泰式就真係第一次！門口位置既招牌非常之搶眼❣️入到去店員會同你介紹可以選擇雞煲或者就甘打邊勞！雞煲湯底可以簡椰子湯/冬蔭功，普通打邊勞就可以簡冬蔭功/椰子湯/青咖哩/蕃茄豬骨，而我就簡左椰子湯雞煲，再追加海鮮🐽椰子湯幾岩我口味，淡淡地椰香，雞件又大大舊👍🏻不得不提係海鮮好大件呀，同埋都幾新鮮😛仲有特色既泰式蝦丸都好特別！食熱野食得悶仲可以食下凍既無骨鳳爪轉下口味😂呢到仲有自助吧可以食泰式小食同甜品，真係唔驚食唔飽！