泰邊爐 (Closed)

原來而家打邊爐除咗中式日式之外，仲有埋泰式添😂 既然係泰式，除咗醬油吧有泰式醬料之外，當然仲有泰式湯底啦，辣嘅有冬蔭功同青咖喱，唔食辣嘅我就揀咗椰子湯雞煲✨先食雞後打邊邊，一開始會俾哂成枱高級配料你，之後再點任食，但其實食完果堆料都已經飽哂，冇點其他任食料，自認大胃王嘅可以挑戰下😏靚料堆有安格斯黑豚肉/蒙古羊片等，最鐘意係有幾粒手打泰式丸，當晚分別係香茅墨魚丸同埋冬蔭功蝦丸，仲有粉麵都係啲泰式河粉粉絲金邊粉，打邊爐食呢啲都幾特別下😂 另外仲可以加錢要多個海鮮拼盤，鮑魚桶蠔螺蜆貝蝦魚好豐富✨