新嚐泰泰國餐廳

Open Now

Now Closed

環境5分：入大廈要㩒鐘，正常樓上餐廳格局，地方都算大同闊落同光猛，牆上面彩色圖畫，一邊嘅窗可以全部打開，非常通風涼爽，好有泰國風味，可以畀五分。衛生5分：新舖地方好乾淨，枱面一Ｄ都冇黐立立，衛生一樣畀五分。服務5分： 服務員態度好，爽手又唔囉唆，服務畀滿分。味道5分：1)    小食拼盤有齊魚餅，蝦餅，春卷，肉丸生菜包，大部份都切開一半，方便入口。春卷入面好多粉絲同有少許咖哩味，非常特別，最正係個又爽又脆卜卜嘅蝦餅。2)    馬拉盞炒通菜野味，都算辣，好新鮮。3)    曼谷海南雞雞肉非常嫩滑，個汁辣辣地好開胃。4)    雞油飯唔會太油，份量大過普通一碗飯。5)    泰國勝獅啤比普通大杯，清爽好抵飲。抵食5分：平均每人兩百幾蚊又食肉又食菜又食飯，仲飲埋啤酒，好飽肚，抵食可以畀五分。