Video
Read full review
2024-07-16
350 views
火鍋食得多，以泰式做主打嘅就真係未試過，“泰金鍋”嘅泰式火鍋湯底相當出色，又有泰式小食及甜品任食🥰，價錢合理仲可以食足2️⃣個鐘，非常吸引。店舖裝潢簡約明亮，座位闊落舒適。今日試下佢哋嘅美國產極選肩胛牛小排餐(🅱️餐)，每位$318(星期一至四19:30前離座$288)。而家限時仲送每人一隻龍蝦🦞，真係好吸引。湯底有8️⃣款選擇，1️⃣人1️⃣鍋食得更方便放心。馬來娘惹喇沙鍋及泰金冬陰功湯鍋，香辣濃郁，味道正宗，淨係湯底已經非常有驚喜😍！另一驚喜係呢度有活蝦🦐任食，食客可自行到水缸內撈游水活蝦🦐，見到啲蝦咁生猛就忍唔住撈咗一大桶。活蝦肉果然香甜，質感爽口彈牙，掛咗湯汁，更加好食😋。牛小排及肩胛肉眼🐂，肉味香濃，柔軟無筋。牛小排油脂味尤其香，口感更加軟滑，可以無限追加真係抵食。特選豚梅肉🐖，油脂軟少但肉質軟腍，肉味重😋。泰式沙嗲雞及豬肉串，調得入味，燒得香口，加上秘製沙嗲醬汁，更加惹味😍。泰式炸蝦餅，口感彈牙，炸得十分香口，點埋泰式甜辣醬一齊食就最正🥰。原隻大蝦米網卷，外層米網卷炸至香脆，一口咬下，滿口蝦肉香味及紫菜香味，有特色又好食😋。用QR code追加肉類，海鮮及特色泰式小食。其他火鍋食材，可在自助
店舖裝潢簡約明亮，座位闊落舒適。今日試下佢哋嘅美國產極選肩胛牛小排餐(🅱️餐)，每位$318(星期一至四19:30前離座$288)。而家限時仲送每人一隻龍蝦🦞，真係好吸引。
湯底有8️⃣款選擇，1️⃣人1️⃣鍋食得更方便放心。
馬來娘惹喇沙鍋及泰金冬陰功湯鍋，香辣濃郁，味道正宗，淨係湯底已經非常有驚喜😍！
另一驚喜係呢度有活蝦🦐任食，食客可自行到水缸內撈游水活蝦🦐，見到啲蝦咁生猛就忍唔住撈咗一大桶。活蝦肉果然香甜，質感爽口彈牙，掛咗湯汁，更加好食😋。
牛小排及肩胛肉眼🐂，肉味香濃，柔軟無筋。牛小排油脂味尤其香，口感更加軟滑，可以無限追加真係抵食。特選豚梅肉🐖，油脂軟少但肉質軟腍，肉味重😋。
泰式沙嗲雞及豬肉串，調得入味，燒得香口，加上秘製沙嗲醬汁，更加惹味😍。
泰式炸蝦餅，口感彈牙，炸得十分香口，點埋泰式甜辣醬一齊食就最正🥰。
原隻大蝦米網卷，外層米網卷炸至香脆，一口咬下，滿口蝦肉香味及紫菜香味，有特色又好食😋。
用QR code追加肉類，海鮮及特色泰式小食。其他火鍋食材，可在自助區自行選取蔬菜、丸類、醬料、麵食、飲品、甜品、生果及雪糕等😍。
Post
