泰·初夏

Open Now

Now Closed

泰.初夏，有個泰式火鍋放題，佢重配埋雞煲，即管食下。揀左兩個湯底芫荽皮蛋湯好香芫荽，下火就啱晒。泰式清湯呢個冇乜特別，簡單嘅清湯。初之雞煲我揀少辣雞煲香味濃郁，入面好多香料，雞件入味，食完都飽飽地。4款肉類牛胸爽、豚肉片、卡樂beef、牛板腱豬同牛唔錯，大大片而且肉味濃，牛胸爽睇落好似好肥，其實唔係肥，口感滑。叫左串燒三款豬牛雞，細細串又入味，肉質唔會(乾曾曾)。自助吧有肉丸類、不同嘅蔬菜。叫左個滷豬肉都好入味，骨膠原好正。外面放上幾款泰式沙律菜、泰式粉絲、泰式鳳爪，鳳爪有少少辣，粉絲炒得乾爽。泰式甜品有椰汁西米糕帶椰香味道，千層糕煙韌口感。炸物春卷、薯角、雞翼、蝦片、魚皮、雞卷等等。飲品揀咗荔枝凍飲，香香嘅荔枝味，還好不太甜。另一杯叫盲盒，唔知佢會比咩你飲😂幾好玩，叫左一杯，送到黎係。。。。乳酸凍飲。兩杯都夠晒凍，好解渴，乳酸飲品甜味多啲。