Video
Read full review
2024-08-16
132 views
估唔到泰式火鍋都可以Crossover 雞煲。上YouTube睇到呢間泰式邊爐放題非常之吸引，今日happy Friday就過嚟食吓嘢。佢total有三個餐，淨係泰式邊爐、泰式邊爐加雞煲、泰式邊爐加海鮮桶。咁我哋就叫咗雞煲嗰款90分鐘放題。$238一位再加一。主要就有四款肉，牛板腱、牛胸爽、西班牙豚肉片、澳洲卡樂Beef。仲有雞件添。仲有墨魚滑蝦滑、蔬菜丸類就可以去出邊自己攞。手機落單仲可以叫串燒、豬頸肉、豬手、炸物。最緊要嘅就係泰式飲品任飲。泰式奶茶、青檸梳打、蜜桃綠茶、汽水、奶茶、咖啡乜都有。拎飲品唔使揗嚟揗去。湯底就推介冬陰功同埋泰式椰汁雞湯。另外嗰個雞煲都係任叫任食不過不失啦。最後梗係要食埋甜品，西米糕都高質，出邊仲有榴槤雪條同埋其他雪糕。
估唔到泰式火鍋都可以Crossover 雞煲。上YouTube睇到呢間泰式邊爐放題非常之吸引，今日happy Friday就過嚟食吓嘢。
佢total有三個餐，淨係泰式邊爐、泰式邊爐加雞煲、泰式邊爐加海鮮桶。咁我哋就叫咗雞煲嗰款90分鐘放題。$238一位再加一。
主要就有四款肉，牛板腱、牛胸爽、西班牙豚肉片、澳洲卡樂Beef。仲有雞件添。仲有墨魚滑蝦滑、蔬菜丸類就可以去出邊自己攞。手機落單仲可以叫串燒、豬頸肉、豬手、炸物。最緊要嘅就係泰式飲品任飲。泰式奶茶、青檸梳打、蜜桃綠茶、汽水、奶茶、咖啡乜都有。拎飲品唔使揗嚟揗去。湯底就推介冬陰功同埋泰式椰汁雞湯。
另外嗰個雞煲都係任叫任食不過不失啦。最後梗係要食埋甜品，西米糕都高質，出邊仲有榴槤雪條同埋其他雪糕。
Post
