阿來東南亞風味 (Closed)

疫情爆前去左一轉布吉🇹🇭，懷念泰式生菜豬肉包及金邊粉呢！放工想食地道泰菜，經過呢間平時好多街坊幫襯既阿來，見今日無咁多人就去試試。呢排天氣熱熱地，我們點了食泰國菜一定要飲既泰式奶茶及椰汁三色冰。海南雞飯見到個海南雞好吸引呢，份量都算大！黃油雞黎啖啖肉唔錯，肉質幾嫩加埋秘制薑蓉，好食😋老公最喜歡食生菜包，大大塊新鮮生菜，豬肉粒有濃濃既蒜味帶小小辣，用菜包住黎食很野味口感豐富。炸蝦餅熱騰騰端出來，面層金黃色幾酥脆，入面是啖啖肉爽口既蝦肉，好邪惡。鮮蝦炒金邊粉鮮蝦夠大隻幾爽口，將香料及檸檬汁混合金邊粉，好香既香草及花生味道帶小辣，麵較腍身，味道跟泰國食到的一樣，好似返左泰國咁呢😋😋平民價錢，有水準既泰菜，下次會再幫襯。