泰邊爐 (Closed)

約咗舊同事食飯，由於我好耐冇打邊爐，所以提議咗打邊爐，同事就話佢之前試過呢間泰式邊爐，放題形式食到飽，野食既質素亦唔差。我不嬲都中意食泰國菜，而且冇試過泰式邊爐，感覺好似幾正，最後就決定咗呢間餐廳。同事話同佢上次食個陣既menu唔同，應該係轉咗新menu，多咗選擇。落完單之後梗係即刻去自助區揀啲前菜、泰式甜品、小食同飲品，再整埋嗰火鍋醬汁埋位。套餐可以揀雞煲之後加湯打邊爐，或者直接打邊爐，我地就揀咗後者，加錢叫咗鴛鴦湯底，中辣嘅傳統冬蔭功湯&椰子雞湯底，兩者都好足料。我地兩個都好中意食海鮮，所以特別加咗海鮮拼盤，有大蝦、鮑魚、扇貝、翡翠螺、蜆、青口等等，選擇多而且仲好新鮮，不過蜆可能洗得唔夠乾淨有沙，但其他海鮮都唔錯，落喺椰子雞湯度可以食到海鮮原本既鮮味。套餐仲包好多其他配料，肉類有安格斯肥牛、黑豚肉、羊肉片、豬頸肉片仲有泰式特選排骨添。幾中意嗰排骨，落入冬蔭功湯底特別入味。火鍋配料仲有其他丸類、手打丸、蔬菜盤同自選粉麵。個人最中意手打丸，又特別又好味。果然泰式邊爐唔同啲，嗰套餐仲會包埋泰式白鳳爪同生菜包。泰式鳳爪酸酸辣辣咁，食到好開胃；生菜包都唔錯，不過如果肉醉可以辣返啲會更好。如果