Video
Read full review
2008-12-15
24 views
14-12-2008想去的順記無位, 我提議轉食好日唔食一次的泰國菜, 順腳0黎了呢度. 一行 4 人, 咖蟹 / 串燒 / 炒粉 / 炒菜乜都叫 d share 食:- 泰式炒金邊粉: 配料有蝦, 豆腐, 芽菜, 蔥段及花生碎, 金邊粉色水唔多對路, 咬落夠腍身, 味道亦同色水一樣, 唔夠酸唔夠甜又唔夠辣, 唧了青檸汁都於事無補, 仲炒得幾濕, 掃興! - 馬拉盞炒溫室豆苗: menu 上「一隻辣椒」, 結果原來係唔辣的, 不過菜苗 sok sok 聲, 馬拉盞好惹味, 呢個好好食!- 咖喱蟹: order 時衰多口要求了「少辣」, 結果完全唔辣... 隻蟹算幾好肉地, 不過 d 肉唔夠結實, 而且都幾水汪汪0下, 麻麻0地; 咖喱汁就幾重蛋及椰汁味, 似星馬式咖喱多 d, 個人而言唔太鍾意. 係幾麻麻的一碟咖喱蟹.- 泰式燒雞: 阿媽食了一件後話「好滑」又「好香炭燒味」, 但我食0個幾件都又乾又0鞋 (已經係雞翼及雞上脾位0架喇!),「炭燒味」就係有的, 不過係燒(火農)0野0個隻. 難吃!- 蒜蓉包: 烘得脆, 亦見到粒粒蒜蓉, 但食落完全無蒜蓉味, R 晒頭!
想去的順記無位, 我提議轉食好日唔食一次的泰國菜, 順腳0黎了呢度. 一行 4 人, 咖蟹 / 串燒 / 炒粉 / 炒菜乜都叫 d share 食:
- 泰式炒金邊粉: 配料有蝦, 豆腐, 芽菜, 蔥段及花生碎, 金邊粉色水唔多對路, 咬落夠腍身, 味道亦同色水一樣, 唔夠酸唔夠甜又唔夠辣, 唧了青檸汁都於事無補, 仲炒得幾濕, 掃興!
- 馬拉盞炒溫室豆苗: menu 上「一隻辣椒」, 結果原來係唔辣的, 不過菜苗 sok sok 聲, 馬拉盞好惹味, 呢個好好食!
- 咖喱蟹: order 時衰多口要求了「少辣」, 結果完全唔辣... 隻蟹算幾好肉地, 不過 d 肉唔夠結實, 而且都幾水汪汪0下, 麻麻0地; 咖喱汁就幾重蛋及椰汁味, 似星馬式咖喱多 d, 個人而言唔太鍾意. 係幾麻麻的一碟咖喱蟹.
- 泰式燒雞: 阿媽食了一件後話「好滑」又「好香炭燒味」, 但我食0個幾件都又乾又0鞋 (已經係雞翼及雞上脾位0架喇!),「炭燒味」就係有的, 不過係燒(火農)0野0個隻. 難吃!
- 蒜蓉包: 烘得脆, 亦見到粒粒蒜蓉, 但食落完全無蒜蓉味, R 晒頭! 不過叫0黎都係想食 d 咖喱汁, 算吧.
- 沙爹串燒雞, 豬 (每款 3 串): 調味0既關係, 兩者味道一模一樣, 但雞肉較豬肉腍滑及多汁; 沙爹汁就得個「油」字, 味道淡淡的, 無癮.
- 鹹食唔掂又唔多夠飽, 叫了一客芒果椰汁糯米飯做甜品, 點知一樣唔掂 -- 糯米飯團分黑白兩邊, 白色煙韌又軟糯, 但黑色0個邊就好硬好削; 椰汁俾得太少, 又唔夠甜, 燥0左! 好在芒果唔酸, 唯有食多兩條補返數.
餐廳格局十足以前「蕉葉」, 環境光猛乾淨; 店員們有求必應, 禮貌 ok, 招呼 ok.
埋單每人約 $120, 不過食物實在唔掂, 希望唔使再幫襯啦.
總覺得太「斯文」0既泰菜館食物麻麻0地, 睇0黎粗魯的我都係去地 mou 店比較適合!
Post
