金蘭花泰國菜館

Open Now

Now Closed

食慣左日本菜,西菜,中菜,諗食乜,諗黎諗去都冇乜好idea,於是諗起不如轉下東南口味,一於就試個泰國菜!今次就簡左好多人都推薦既一間泰國菜館-金蘭花。因為下午茶食左碗麵打底,都仲係好飽,所以晚餐只點了唔多既野食試試。首先是三色冰,杯野飲雪得好凍,入口有濃濃的椰香味,清涼,冰爽,很適合在這炎炎夏日消消暑。杯野飲都好大杯,一個人飲都差d飲唔哂!之後到小食拼盤,拼盤包括有串燒,春卷,蝦餅,香葉包雞。包雞有嚼勁既口感,蝦餅和春卷都炸得香脆,蝦味濃郁,串燒不過不失,有牛有雞,點上醬汁味道更佳。拼盤有這麼多種類,絕對是誠意價。