Helen’s

Open Now

Now Closed

同男人逛過星光大道後，打算行去厚福街搵嘢食，男人望到呢間小酒館，想要上去chill 一 chill，不過佢呢期要戎酒喎，想享受輕鬆氣氛？好！踏出升降機好似走入咗另一國度，門外幾條木雕柱、雕像、擺設等配合埋輕鬆音樂，有一種莫名嘅親切感，店內面積都幾大，裝修充滿泰印風情，令人感覺安心、舒坦。選擇窗邊座位，喜歡開揚嘅景觀，又可以觀察厚福街入夜嘅變化。枱面放咗幾個骰盅，可以邊飲、邊食、邊玩，今晚我哋祇想放鬆一下。男人近期要戎酒精，叫咗支梳打水都係$28，仲附送一片青檸，抵飲。我嘅百里香，清雅精緻，入口順喉，味道微甜清新，然後一陣不同層次嘅香味，酒精感唔太重，好飲！雞件熱辣辣炸起，咬落外脆，肉質嫩滑，有肉汁，配埋沙律醬，係幾正嘅送飲小食。最鍾意就咁拎住雞骨腸食，腸衣烤到卜卜脆，咬落啖啖肉，肉味香濃，配埋醬汁一齊食更正。海鮮忌廉汁意粉材料有蝦、蜆肉、蘆筍...，意粉軟硬適，醬汁香濃，好食呀！男人話呢度感覺好舒服，好鍾意呢度嘅氣氛環境，飲品抵飲、小食又抵食。見有客人帶埋生日蛋糕，問一問原來唔收切餅費！佢即話要响度搞生日會喎。