Luna Bar & Restaurant

Open Now

Now Closed

今日去尖沙咀一間泰式餐廳酒吧，未入到去都已經見到勁多勁靚Halloween裝飾，氣氛相當到位，除左食飯仲有唱K飲酒，一次滿足3個願望！我哋點咗幾樣菜，首先係豬頸肉炒芥蘭。豬頸肉煮得剛好，肉質嫩滑，加上炒得脆口的芥蘭，勁鮮綠新鮮，味道搭配得好好！之後係海南雞，雞肉勁鮮嫩好滑，雞皮好容易就拆得甩，而家肉質一啲都唔老，好似唔洗咬咁。搭配上特製醬汁，味道更上一層樓，食到停唔到口。再嚟就係串燒拼盤，包含雞、豬、牛肉，每一串都烤得恰到好處，外焦內嫩，特別係豬肉串，味道特別香濃，肥瘦適中唔會燒到乾晒。impressive既係個沙嗲醬，中間仲有啲花生粒食到，好有咬口又夠濃味，一流！最後，肉碎生菜包就係一個驚喜，生菜清脆新鮮，肉碎加左少少辣椒，肥肉比較多所以食落好軟身，但係配上生菜食落去清新又唔會膩。呢間酒吧嘅食物質素非常高，氣氛又好，仲係咁播住啲廣東流行曲，無論係同朋友聚會定係慶祝Halloween，都係唔錯既選擇。