堅泰

Open Now

Now Closed

難得假期，去左旺中整指甲，之後口痕就上左二樓搵食。見到有一間泰國小食店裝修幾特別決定幫襯下，佢地食品種類都算多，有炒PadThai，泰式喇沙，青咖喱，青木瓜沙律，泰式鳳爪，雞棗，辣肉腸，芒果糯米飯同椰汁糕等泰國必食食品。但估唔到佢地連香蕉煎餅都有，真係超想試。睇緊買咩食個陣有個泰國姐姐係鋪頭入面行出黎講左幾句泰文，估計應該係泰國人主理，味道夠正宗。可惜約左人High Tea，如果唔係一定狠狠敢懲罰佢。最後忍口買左包蝦片，返到屋企一路煲劇一路食，好快ＫＯ晒，脆卜卜，好味。影低晒Ｍenu，下次試下其他食物。