泰邊爐 (Closed)

Happy friday嘅晚上，約咗同事打邊爐，同事上網話見到有一間泰式嘅打邊爐好有興趣，所以呢我哋就一早book好枱試吓啦。好彩一早book咗枱姐，一去到已經好多人等位。餐廳嘅環境昏暗，音樂播住泰文嘅歌， 充滿泰國風情餐廳嘅飲品係任飲嘅，客人可以自由去雪櫃揀選自己想飲嘅飲品，而且仲有好多泰國嘅特色小食同甜品提供，有：泰式炸蝦片、酸辣鳳爪、泰國嘅糕點同蛋糕等等，非常豐富。我哋就叫咗個雞煲套餐黎試吓啦，落完單雞煲就嚟啦，非常大煲，目測起碼有半隻雞，雞肉非常嫩滑，而且好入味，非常惹味套餐包括左安格斯肥牛，肥瘦均勻，肉質一啲都唔韌， 好有牛味海鮮拼盤，賣相非常吸引，有青口、蠔、蜆、鮑魚、海蝦、扇貝同埋一大條魚，非常新鮮，特別係鮑魚同埋海蝦，爽口彈牙仲有豚肉、各樣嘅丸、蝦同埋魚肉，材料都好新鮮，放入冬陰公湯裏面，索晒啲味，非常正生菜包，生菜非常新鮮爽口，肉碎炒得好香，夠晒乾身，辣辣地好惹味酸辣鳳爪，酸酸辣辣好開胃，口感夠晒爽口， 我同朋友都非常鍾意整體來講，食物款式豐富，價錢優惠，我同同事都食得好開心。