Foodhall by Moon Thai

Open Now

Now Closed

今日放假同朋友嚟開宏利廣場附近，下午茶時間餓餓地，醒起有間好闊落嘅餐廳，今次嚟到，發現轉左泰國菜式，環境休閒舒適，聽住泰文歌，嘆下泰美食，感受泰風情。點左煎薄餅，煎得夠香酥，薄餅食落煙煙韌韌，配埋泰式奶茶，一流！奶茶好香，唔會太甜，入口滑溜。配上熱辣辣烤起， 簡單又好味，兩者好夾！牛肉漢堡紅咖哩蛋黃醬配焗薯，漢堡fusion泰式咖喱醬，第一次食，味道又幾特別同夾，食落比起美式漢堡更刺激味蕾。漢堡patty夠嫩同juicy，又充滿牛味，牛脂香味唔會比咖喱醬掩蓋，兩者平衡得岩岩好。而且patty份量都唔少，加埋紅椰菜絲，新鮮番茄同生菜，好食！焗薯唔係周圍有得食，配搭上面嘅酸忌廉食，零捨開胃滋味，成個餐滿滿嘅碳水化合物，太令人滿足。呢個船麵湯底都同出面餐廳嘅幾唔同，食落甜甜地又特別香，覺得似滷水湯底再加船麵湯底咁，湯麵吸晒呢個湯汁，好好味，仲有好多嘅脆炸豬皮同豬肉，咬落脆卜卜，豬肉又會香，真係無得彈！